BIBLIYOTEKA YA PA INTERNETI ya Watchtower

Jezu Adapemba Pomwe Akhadasunama Kwene-Kwene

Jezu Ni Njira, Cadidi na Moyo
- Jezu akhacita thupo kwene-kwene kuti akaphedwa ninga kapondo, wanthu angadanyoza dzina la Babace. Yahova akhabva bzomwe mwanace akhamukumbira, tenepo adatumiza anjo kuti adzamulimbise. Tsono Jezu alibe kusiya kudandaulira Baba wace, koma adapitiriza ‘kupemba na mtima wense.’ Jezu akhatsautsika kwene-kwene mu mtima mwace thangwe ra kudziwa udindo bomwe akhanabo. Iye angadatazira kupirira, angadataya mwayi wa kudzakhala na moyo wakusaya kumala, ndipo wanthu omwe akhamukhulupira angadakhalambo lini na cidikhiro ca moyo wakusaya kumala. Ndipopa ‘kaluma yace idakhala ninga mathotho ya mulopa yomwe’ yakhadodera pansi.—Luka 22:44.

Jezu Adapemba Pomwe Akhadasunama Kwene-Kwene

Jezu Ni Njira, Cadidi na Moyo
- KALUMA YACE IDAKHALA NINGA MATHOTHO YA MULOPA
  
  Luka omwe akhali dotolo, alibe kufotokoza bzomwe bzidacitisa kuti kaluma ya Jezu ikhale ninga ‘mathotho ya mulopa.’ (Luka 22:44) Pinango Luka akhandondendemezera kaluma ya Jezu na mulopa omwe umbacoka munthu akabzikweteka. Tsono bzomwe adanemba dotolo munango wakucemeredwa William D. Edwards (The Journal of the American Medical Association), bzingatithandize kudziwa bzomwe pinango bzidacitisa kuti kaluma ya Jezu ikhale ninga mathotho ya mulopa. Dotoloyu adati: “Napo kuti bzimbacitika lini kawiri-kawiri kuti munthu acoke kaluma yakusanganikirana na mulopa . . . tsono nthawe zinango bzimbacitika munthuyo akakhala kuti ankutsautsika kwene-kwene mu mtima. . . . Tuuzingo tomwe tudaphatana na mbuto zomwe zimbacoka kaluma tukalekerana, mulopa umbapitambo m’mbuto zimwezo ndipo bzimwebzi bzimbacitsa kuti munthu acoke kaluma yakusanganikirana na mulopa.”