• Kodi n’Ciyani Cimbacitika Munthu Akafa?
    Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya

    • 3. Pfunzani bzomwe bzimbacitika munthu akafa

      Pa dziko la pantsi, wanthu ana makumbukidwe yakusiyana-siyana pa nkhani ya bzomwe bzimbacitika munthu akafa. Tsono cadidi n’cakuti, ni bzentse lini bzomwe wanthu ambakhulupira mpsacadidi.

      • Kodi komwe imwepo mumbakhala wanthu ambalewa ciyani bza anyakufa?

      Kuti muwone bzomwe Bibliya limbapfunzisa, onani VIDIYO.

      VIDIYO: N’Ciyani Cimbacitika Munthu Akafa? — Cipande (1:19)

      Bzithunzi-thunzi: Bzomwe bzikucitika mu vidiyo yakuti ‘N’Ciyani Cimbacitika Munthu Akafa?—Cipande.’ 1. Munthu wakufa ali pa kama mu nyumba ya ulapi. 2. Mwamuna munango akugona pakati pa wanthu awiri pomwe akucita ulendo na komboyo.

      Werengani Mpalizi 3:20, ndipo mukamala cezeranani mibvunzo ikutewerayi:

      • Mwakubverana na vesiri, n’ciyani cimbacitika munthu akafa?

      • Kodi munthu akafa pana cinthu cinango comwe cimbapitiriza kukhala na moyo?

      Bibliya limbalewa bza infa ya Lazaro, omwe akhali xamwali wa Jezu. Werengani Juwau 11:11-14, kuti muwone bzomwe Jezu adalewa momwe Lazaro akhaliri pomwe adafa. Mukamala cezeranani mibvunzo ikutewerayi:

      • Kodi Jezu adandendemezera infa na ciyani?

      • Kodi kundendemezera kumweku kukutipfunzisa ciyani pakulewa bza anyakufa?

      • Kodi imwepo mumbabzibva tani na bzomwe Bibliya limbalewa pa nkhani ya anyakufa?