BIBLIYOTEKA YA PA INTERNETI ya Watchtower

Kodi Jezu ni Munthu wa Mtundu Wanyi?

Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
- 6. Jezu ni munthu wakupasa
  
  Jezu akhali munthu wakupasa napo kuti iye akhalibe bzinthu bzizinji, ndipo iye ambatiuza kuti tikhalembo wanthu wakupasa. Werengani Mabasa 20:35, ndipo mukamala, cezeranani mbvunzo wakutewerayu:
  
  Mwakubverana na mafala ya Jezu pa vesiri, kodi tingacite ciyani kuti tikhale wakukondwa?
  
  Onani VIDIYO, ndipo mukamala cezeranani mbvunzo wakutewerayu.
  
  VIDIYO: “Kupasa Kumbabweresa Cikondweso Cikulu” — Cipande (4:00)
  
  Kodi tingalatize tani kuti ndife wakupasa napo tiribe bzizinji?

Bzomwe Bibliya Limbalewa pa Nkhani ya Basa na Kobiri

Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
- 3. Kodi tingaphatise tani basa kobiri yathu kuti tithandize winango?
  
  Yahova ni Mulungu wakupasa, ndipo timbamutewezera tikambakhala ‘wakupasa na wakukonzeka kugawana na anzathu bzomwe tinabzo.’ (1 Timotio 6:18) Tingacite bzimwebzo mwa kuthandiza gwere na kuthandizambo omwe an’funikira thandizo, maka-maka abale wathu. Kwa Yahova bziribe basa kuwanda kwa bzinthu bzomwe tinipereka koma thangwe lomwe lin’ticitisa kuperekako. Tikambapereka na mtima wentse, ifepano tin’dzakomedwa ndipo tin’dzakondwesambo Yahova. — Werengani Mabasa 20:35.