• Papita Magole 100 Umambo bwa Mulungu Bunkutonga!
    Nsanza Ya Mulindiri—2015 | Novembro

    • 2. Kodi pakhana wanthu angasi pomwe Jezu adapereka lamulo lomwe liri pa Mateu 28:19, 20, ndipo thangwe ranyi tingalewe tenepo?

      2 Patapita nthawe pang’ono pambuyo pa kulamusidwa kwa Jezu, iye adawonekera kwa wanthu wakupitirira 500 womwe adadzakhala apalizi wa Umambo. (1Wak. 15:6) Pinango ni nthawe yomwe iye adapereka lamulo lakuti bzipsa bzabwino bza Umambo bzin’funika kupaliziridwa kwa ‘wanthu wa mitundu yense,’ basa lomwe likhawoneka ninga lakusaya kukwanisika pa nthawe imweyo.a Ndipo Jezu akhadaleweratu kuti basa likulu limweri lingadadzacitika mpaka ‘kuphampha kwa mkonzedwe uno wa bzinthu,’ ndipo bzimwebzi ndibzo bzomwe bzinkucitika. Mpsacidziwikire kuti imwepo munkucitambo mbali pa kuteweza lamulo limweri lomwe ni polofesiya ya m’Bibliya.​—Mat. 28:19, 20.

  • Papita Magole 100 Umambo bwa Mulungu Bunkutonga!
    Nsanza Ya Mulindiri—2015 | Novembro

    • a Tina cikhulupiro cense cakuti wanthu azinji womwe wakhalipo pa nthawe imweyire adakhala akristau. Mu tsamba lace lomwe adanembera gwere la ku Kolinto, Paulo adalewa wanthu amwewa kuti ‘abale 500’. Ndipo iye adalewa pomwe kuti: ‘Azinji wa iwo wakalipo mpaka pano, koma winango adagona kale mu infa.’ Bzinkuwoneka kuti Paulo na Akristau anzace wa magole dzana yakuyamba, akhadziwa wanthu azinji womwe wadacitambo mbali pa lamulo lomwe Jezu adalipereka.