• N’ciyani Cingakuthandizeni Kupitiriza Kupfunza Bibliya?
    Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya

    • 4. Tsimikizirani kuti kupfunza Bibliya n’kwakufunika kwene-kwene kwa imwepo

      Nthawe zinango timbakhala wakutanganidwa kwene-kwene mwakuti tingawone kuti tiribe nthawe yakupfunza Bibliya. Kodi n’ciyani cingakuthandizeni? Werengani Afilipi 1:10, ndipo mukamala cezeranani mibvunzo yakutewerayi:

      • Kodi imwepo mumbawona kuti “mpsiponi bzinthu bzomwe mpsakufunika kwene-kwene” pa moyo wanu?

      • Kodi mungacite ciyani kuti kupfunza Bibliya kukhale cinthu cakuyamba pa moyo wanu?

      A. Bzithunzi-thunzi: Makopo ya vidru yomwe yadadzaza minyala na mcenga. 1. Mudwi wa mcenga na wa minyala. 2. Kopo ya vidru yomwe yasala pang’ono kudzala mcenga. 3. Minyala yadzala padzaulu pa mcenga ndipo inango iri pantsi. B. Bzithunzi-thunzi: 1. Mudwi ubodzi-bodzi wa mcenga na wa minyala. 2. Mudwi ubodzi-bodzi wa minyala wasala pang’ono kudzala mu kopo ya vidru. 3. Mcenga wazungulira minyala ndipo wasala pang’ono kudzala. Kamudwi kang’ono ka mcenga kasala kunja kwa baldi.

      1. Imwepo mucitenga baldi muciikha mataka ndipo muciikhambo minyala, minyalayo ingakwane lini

      2. Imwepo muciyamba kuikha minyala m’baldimo, mungakhale na mbuto yakuikha mataka mazinji. Mwakundendemerana na bzimwebzi, mukaikha bzinthu bzakufunika kwene-kwene pa mbuto yakuyamba pa moyo wanu, mun’dzakwanisa kubzicita ndipo mun’dzakhalambo na nthawe yakucita bzinthu bzinango

      Tikambapfunza Bibliya timbakhala tikubzidyesa mwauzimu ndipo timbakhala tikuzindikira kuti tin’funika kudziwa Mulungu na kumunamata. Werengani Mateu 5:3, ndipo mukamala cezeranani mbvunzo wakutewerayu:

      • Kodi tin’dzagumana phindu liponi tikaikha pa mbuto yakuyamba kupfunza Bibliya?