Thangwe Ranyi Imwepo Mumbawona Kuti Kunamata Kwacadidi n’Kwakufunika?

Ajuda omwe akhali ku ukapolo adalimbisidwa na matsomphenya ya tempwlo yomwe Zakiyeri adawona thangwe yadawapasa cidikhiro cakuti kunamata kwacadidi kungadadzabwezeresedwa. Mu nsiku zakumalizira zino, kunamata kwacadidi kwakhazikika ‘padzulu pa nsonga za mapiri,’ ndipo ifepano tiri pakati pa wanthu omwe ankucita mbali ya kunamataku. (Zai 2:2) Kodi imwepo nthawe zense mumbakumbukira bza mwayi omwe munawo wakudziwa Yahova na kumutumikira?

BZISIMBO BZA KUNAMATA KWACADIDI:

• 

  Cakudya cizinji cauzimu ni comwe cimbatithandiza kugumana mitawiro ya mibvunzo yakufunika pa moyo wathu, ndipo cimbatipasambo malango ya momwe tingakhalire na moyo wabwino na cidikhiro cakutsogolo.—Zai 48:17, 18; 65:13; War 15:4

• Lufoyi lomwe limbalatizidwa na gulu lense la abale.—Psal 133:1; Ju 13:35

• Mwayi wakukhala anyabasa anzace wa Mulungu pa basa lakukondwesa.—Mab 20:35; 1Wak 3:9

• ‘Mtendere wa Mulungu’ omwe umbatilimbisa tikagumana na mabvuto.—Waf 4:6, 7

• Timbakhala na cikumbu-mtima cakucena.—2Tim 1:3

• Timbakhala pa ‘uxamwali bwa pa mtima na Yahova.’—Psal 25:14

Kodi ni mwa njira ziponi zomwe inepano ndingalatizire kuti ndimbawona kunamata kwacadidi kukhala kwakufunika?