Kuyambira mu Setembro, Kabukhu ka Mitsonkhano ka Moyo Wathu na Utumiki, kan’dzakhala na mbali ipsa ya ciratizo ca upalizi ya msolo wakuti: “Pfunzisani Cadidi.” Cakulinga cathu cin’dzakhala cakufotokoza nfundo za cadidi ca m’Bibliya mwakuphatisa basa mbvunzo na vesi la m’Bibliya.

Ifepano tikazindikira kuti munthuyo akufunisisa kudziwa bzizinji, tin’funika kumusiyira bukhu liri-lense ayai kumulatiza vidiyo yapa jw.org ndipo timbacite nyongo ya kumuzungira pomwe mwakusaya kucedwa kuti tidzapitirize na macezayo. M’ciratizo ca upalizi cipsaci na makonzedwe ya pfunziroya, tin’dzaphatisira basa misolo ya nkhani yakugumanika m’bukhu la Bzomwe Bibliya Limbapfunzisa. M’mbali ipsa imweyi tingagumanembo mibvunzo yakuthumizira na mavesi yomwe yangatithandize kucita ulendo bwa kubwereza ayai kuyambisa pfunziro mwa kuphatisa basa Bibliya lokha.

Pana njira ibodzi yokha yomwe ingatitsogolere ku moyo wakusaya kumala. (Mat 7:13, 14) Pakuti ifepano timbalewalewa na wanthu wa bzipembedzo bzakusiyana-siyana, tin’funika kufotokoza cadidi ca m’Bibliya mwakubveka bwino kwa ali-wense. (1Tim 2:4) Pomwe tin’fika pakudziwa nfundo zakusiyana-siyana za m’Bibliya, na kukulisa luso lathu la ‘kuphatisa bwino basa fala la cadidi,’ n’pomwe cikondweso cathu cimbathumizirika ndipo timbakwanisa kupfunzisa bwino winango cadidi ca m’Bibliya.—2Tim 2:15.

Kuzungulira dziko lense la pansi, wanthu wense ambafunikira mtsangalazo. (Mpal 4:1) Mkati mwa mwezi wa Setembro, ifepano tin’dzakhala na basa lakupambulika la kugawira Nsanza ya Mulindiri, yomwe ina nkhani za mtsangalazo. Gawirani Revista imweyi. Tsono, pakuti tin’dzafuna kutsangalaza nayo wanthu, tin’dzafunika lini kusiya marevistaya pa muyi pomwe tin’dzagumana lini wanthu.

BZOMWE TINGALEWE

“Tensenefe timbafuna kutsangalazidwa. Kodi tingaugumane kuponi? [Werengani 2 Wakolinto 1:3, 4.] Nsanza ya Mulindiri iyi inkufotokoza momwe Mulungu ambatitsangalazira mu njira iri-yense.”

Penu munthu angalatize kufunisisa acitambira revista, . . .

LATIZANI VIDIYO YAKUTI: THANGWE RANYI TIN’FUNIKA KUPFUNZA BIBLIYA?

Mukamala mukumbireni kuti mumbacite naye pfunziro la Bibliya.

SIYANI MBVUNZO KUTI MUDZACEZERANE PA ULENDO BWAKUBWEREZA

Musiyireni mbvunzo kuti mudzamutawire pa ulendo bwakubwereza, ninga wakuti “N’thangwe ranyi Mulungu ambalekerera wanthu acibonera?”