Kukulisa Luso Lathu Mu Utumiki—Momwe Tingapfunzisire Nyakupfunza Wathu Kukonzekera Pfunziro la Bibliya

THANGWE RANYI MPSAKUFUNIKA: Pomwe nyakupfunza wa Bibliya an’konzekera pfunziro, bzimbakhala bzakusaya kunesa kubvesesa bzomwe ankupfunzabzo na kubzikumbukira. Nyakupfunza akambabvesesa bzomwe ankupfunza, ambayenda patsogolo mwakamfulumize. Napo pambuyo pa kubatizidwa, nyakupfunzayo an’dzafunikira kukonzekera mitsonkhano na upalizi kuti akwanise kupitiriza ‘kukhala tceru’. (Mat 25:13) Kukhala na cizolowezi cakupfunza kun’dzathandiza nyakhupfunzayo moyo wace wense. Lekani kutaya nthawe, thandizani anyakupfunza wanu wa Bibliya kukhala na cizolowezi ca kukonzekera pfunziro la Bibliya.

MOMWE MUNGACITIRE:

• 

  Khalani ciratizo cabwino. (War 2:21) Kumbukirani bzakusaya bza nyakupfunza wanu pomwe munkukonzekera pfunziro la Bibliya. (km 11/15 tsa. 7). Mulatizeni bukhu lanu kuti iye awone momwe mwakonzekerera

• 

  Limbisani nyakupfunza wanu kuti ambakonzekere. Mukayamba kupfunza mwakukhazikika, uzani nyakupfunza wanu kuti kukonzekera kumbacita mbali ya pfunzirolo, ndipo mulatizeni phindu lakucitira bzimwebzi. Mungamuthandizembo mwa kumuuza momwe angacitire ndandanda yabwino kuti akhale na nthawe yakukonzekera. Abale winango ambakumbiza bukhu lawo lakukonzekeredwa kwa nyakupfunzayo kuti amuwonese momwe angakonzekerere na phindu lakucitira bzimwebzo. Tendani nyakupfunza wanu akakonzekera

• Mulatizeni momwe angakonzekerere. Abale winango pa nsiku yakuyamba kucita pfunziro na munthu, ambalatiziratu munthuyo momwe angakonzekerere