Imwepo Mungakwanise Kupalizira na Kupfunzisa!

Pakuyamba, Mozeji akhabzipenukira kuti angadakwanisa kucita bwino basa lomwe Yahova akhadamupasa. (Kuf 4:10, 13) Kodi imwepo mudabzibvambo kale tenepo? Kodi imwepo munkupfunza Bibliya na Mboni za Yahova? Kodi mumbazibva kuti mungakwanise lini kupalizira nyumba na nyumba? Ayai pinango ndimwe tswaka ndipo mumbabva mantha kupalizira ku xikola. Pinango mumbabva mantha kucita upalizi bwa pa mtedwe ayai kucita mtundu unango wa upalizi bwa padeca. Tsono mbapembani kwa Yahova kuti akupaseni mzimu wace wakucena (1Pe 4:11) Khulupirani kuti Yahova angakuthandizeni kucita basa liri-lentse lomwe iye angakupaseni.—Kuf 4:11, 12.

ONANI VIDIYO YA MSOLO WAKUTI KHALANI WAKUKHWIMIKA—APALIZI, MUKAMALA BVUNZANI KUTI:

• Kodi ni cineso ciponi comwe mpfumakazi Aoyama idagumana naco?

• Kodi n’ciyani comwe cidathandiza mpfumakaziyi kukhala yakulimba na yakukhwimika?—Jer 20:7-9

• Kodi mpfumakaziyi idathandizidwa tani thangwe ra nyongo yace yakufuna kucita bzizinji m’basa la Yahova?

• Kodi ni bzineso bziponi bza mu utumiki bzomwe Yahova angakuthandizeni kubzikunda?