Mitsonkhano ya Cigawo Imbatipasa Mwayi wa Kulatizana Lufoyi

Thangwe ranyi timbakomedwa na mitsonkhano yathu yacigawo? Ninga momwe bzikhambacitikira na Ajirayeri, ntsiku zinombo mitsonkhano yathu ya cigawo imbatipasa mwayi wa kunamata Yahova pabodzi na abale wathu azinji. Tentsenefe, timbakomedwa kupfunza nfundo zizinji zomwe zimbatithandiza kulimbisa uxamwali bwathu na Yahova. Timbakomedwambo kumala nthawe yathu tikuceza na abale na mpfumakazi pabodzi na adzinza wathu. Ndipo timbalatiza kutenda kwathu mwa kugumanika pa mtsonkhanoyo ntsiku zentse zitatu.

Tikambatsonkhana pabodzi, tin’funika lini kumbandokumbukira phindu lomwe tingaligumane, koma tin’funikambo kumbakumbukira momwe tingalatizire lufoyi kwa winango. (Wag 6:10; Waheb 10:24, 25) Timbalatiza kuti timbakumbukirambo winango, tikambafungulira msuwo m’bale ayai mpfumakazi na kumbasiyirambo mbuto winango. (Waf 2:3, 4) Mitsonkhano ya cigawo imbatipasa mwayi wa kukhala na axamwali winango. Tingapambule nthawe kuti ticeze na abale na mpfumakazi omwe timbawadziwa lini, pomwe mitsonkhano ikanati kuyamba, pa nthawe ya kupuma ayai mitsonkhanoyo ikamala. (2Wak 6:13) Uxamwali bomwe bumbayamba nthawe imweyi, bungakhale mpaka kale-kale. Kuposa bzentse, wanthu winango akawona lufoyi lomwe timbalatizana, angafune kubwerambo mu gulu la Yahova.—Ju 13:35.

ONANI VIDIYO YA MSOLO WAKUTI MITSONKHANO YA MADZIKO—‘LUFOYI LIMBAMALA LINI’!, MUKAMALA BVUNZANI ABVESERI KUTI:

• 

  Kodi abale wakucokera m’madziko manango, adalatizidwa tani lufoyi pa mitsonkhano ya madziko ya mu 2019?

• 

  Thangwe ranyi tingalewe kuti lufoyi lomwe limbalatizidwa na wanthu wa Yahova ndakudabwisa?

• 

  Kodi ni mbali ziponi za lufoyi Lacikristau, zomwe zidabvekesedwa na abale wa m’Bungwe Lakutonga?

• 

  Kodi lufoyi Lacikristau lidathandiza tani abale wa ku Alemanha na wa ku Coreia do Sul kukhala wakuphatana?

• Kodi tin’funika kutsimikiza kucita ciyani?