Kodi n’ciyani comwe imwepo mukucita kuti muthemere kubatizidwa?
KUKHALA NA MOYO WACIKRISTAU
Sankhulani Kutumikira Yahova
Penu ndimwe tswaka ndipo mukanati kubatizidwa ayai mukupfunza Bibliya, kodi muna cakulinga ca kubatizidwa? Tsono thangwe ranyi mun’funika kubatizidwa? Mukabzipereka kwa Yahova mucibatizidwa mun’dzakhala pa uxamwali bwakulimba na Yahovayo. (Psal 91:1) Ndipo mungadzakhalembo na mwayi wa kudzapulumuka. (1Pe 3:21) Kodi imwepo mungacite tani kuti mubatizidwe?
Khalani na citsimikizo cakuti bzomwe mukupfunza, ni cadidi. Penu mukubvesesa lini nkhani inango, kafufudzeni. (War 12:2) Onani bzinthu bzomwe mun’funika kucinja, ndipo cinjani kuti mukondwese Yahova. (Mim 27:11; Wayef 4:23, 24) Nthawe zentse mbapembani kwa Yahova kuti akuthandizeni. Ndipo dziwani kuti Yahova an’dzakupasani mphanvu na kukuthandizani na mzimu wace wakucena. (1Pe 5:10, 11) Nyongo yanu in’dzakhala ya phindu, thangwe kutumikira Yahova ni cinthu cabwino kwene-kwene!—Psal 16:11.
ONANI VIDIYO YA MSOLO WAKUTI BZOMWE MUNGACITE KUTI MUBATIZIDWE, NDIPO MUKAMALA BVUNZANI ABVESERI KUTI:
Kodi ni mabvuto yaponi yomwe winango adakunda kuti abatizidwe?
Kodi n’ciyani comwe mun’funika kucita kuti mukhale na cikhulupiro cakulimba mucibzipereka kwa Yahova?
N’ciyani comwe cidalimbisa abale winango, kucita bzomwe bzikhafunikira kuti athemere kubatizidwa?
Kodi Yahova ambasimba tani wale omwe ambasankhula kumutumikira?
Kodi kubzipereka na batismo bzimbathandauza ciyani?