Kuphatisa Basa Mibvunzo

Mateu 16:13-16

BZOMWE MUNGACITE: Citani mibvunzo mwakusamala kuti mucitise abveseri kufuna kudziwa bzizinji bza nkhaniyo, kuti mukumbuke nawo pabodzi na kutsindikambo nfundo zikulu-zikulu.

MOMWE MUNGACITIRE:

• Citisani abveseri kufuna kudziwa bzizinji. Citani mibvunzo yomwe ingacitise abveseri kukumbukira bza nkhaniyo, acimbatawira mibvunzoyo m’mitima mwawo.

• Kumbukani pabodzi na abveseri. Citani mibvunzo yabwino yomwe ingathandize abveseri kubvesesa mwakusaya kunesa nkhani yomwe munkufotokozayo.

• Tsindikani nfundo zikulu-zikulu. Citani mbvunzo kuti muyambe kufotokoza nfundo inango yakufunika kwene-kwene. Mukamaliza kufotokoza nfundo ibodzi yakufunika, ayai mukafika kuphampha kwa nkhani yanu, mbacitani mibvunzo yakubwerezera.