BIBLIYOTEKA YA PA INTERNETI ya Watchtower
Watchtower
BIBLIYOTEKA YA PA INTERNETI
Cinyungwe
  • BIBLIYA
  • MABUKHU
  • MITSONKHANO
  • lff pfunziro 58
  • Pitirizani Kukhala Wakukhulupirika kwa Yahova

Mbuto mwasankhulayi iribe vidiyo iri-yentse.

Pepani, bzikukhala bzakunesa kuti vidiyoyi iwoneke.

  • Pitirizani Kukhala Wakukhulupirika kwa Yahova
  • Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
  • Tumisolo twa nkhani
  • Nkhani Yakundendemerana
  • FUFUDZANI BZINANGO
  • KODI MWAPFUNZA CIYANI?
  • ONANI POMWE IBZI
  • Kodi Magereja Yakunama Yambapswipiza Tani Mbiri ya Mulungu?
    Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
  • N’bziponi Bzipsa Bzabwino bza Kulewa bza Cipembedzo?
    Bzabwino Bzakucokera kwa Mulungu!
  • Kodi Tingalatize Tani Kuti Timbafuna Yahova?
    Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
lff pfunziro 58
Pfunziro 58. Banja likufika pa mtsonkhano wa cigawo ndipo kumbali kwawo kuna apanduki omwe akunyonza wanthu omwe akufika pa mtsonkhanoyo.

PFUNZIRO 58

Pitirizani Kukhala Wakukhulupirika kwa Yahova

Bukhu Lakucita Kudindidwa
Bukhu Lakucita Kudindidwa
Bukhu Lakucita Kudindidwa

Akristau wacadidi ambabvuma lini kuti cinthu ciri-centse ayai munthu ali-wentse awatazise kunamata Yahova. Tikupenukira lini kuti imwepo mumbabvambo tenepoyo. Yahova ambatenda kukhulupirika kwanu. (Werengani 1 Nkhani 28:9.) Kodi ni bzinthu bziponi bzomwe bzingayeze kukhulupirika kwanu ndipo n’ciyani comwe mungacite kuti mubzikunde?

1. Kodi wanthu winango angacite ciyani kuti atitazise kukhala wakukhulupirika kwa Yahova?

Wanthu winango an’dzayezera kutiletsa kutumikira Yahova. Kodi mbani omwe angacite bzimwebzo? Wanthu winango omwe adasiya cadidi ambalewa bzinthu bzakunama pakulewa bza gulu la Mulungu kuti adzonge cikhulupiriro cathu. Wanthu amwewa ambacemeredwa kuti apanduki. Kuthumizira bzimwebzi, akulu-akulu winango wa magereja ambamwaza nkhani zakunama zakulewa bza ife kuti acitise wanthu winango kusiya cadidi. Ndipo ni ngozi ikulu kwene-kwene kwa ife kumbalewalewa na wanthu amwewa, kuwerenga mabukhu yawo, kumbapita m’masaite yawo ayai kumbawona mavidiyo yawo. Pakulewa bza wanthu omwe ambayezera kucitisa anzawo kusiya kutumikira Yahova, Jezu adati: “Ndowasiyani tenepo. Iwo mbazimola, koma akutsogolera anzawo. Tsono zimola akatsogolera zimola mwanzace, wentse ambagwera m’dindi.” — Mateu 15:14.

2. Kodi bzomwe timbasankhula bzimbalatiza tani kuti ndife wakukhulupirika kwa Yahova?

Kufuna kwathu Yahova kun’dzaticitisa kutcenkha kucita cinthu ciri-centse comwe cimbabverana na magereja yakunama. Bzimwebzi bzikuthandauza kuti timbaphata lini basa ayai kucita mbali ya gulu liri-lentse lomwe limbabverana na magereja yakunama. Ndipopa Yahova ambaticenjeza kuti: “Cokani [mu Babiloniya Mkulu] wanthu wangu.” — Apokalipse 18:2, 4.

FUFUDZANI BZINANGO

Fufudzani kuti muwone bzomwe mungacite kuti munthu ali-wentse aleke kukutazisani kukhala wakukhulupirika kwa Yahova. Onanimbo momwe mungakhalire wakukhulupirika mwa kucoka mu Babiloniya Mkulu.

3. Citani mphole na apfunzisi wakunama

Kodi tin’funika kucita ciyani tikabva bzinthu bzakuipa pakulewa bza gulu la Yahova? Werengani Mimwani 14:15, ndipo mukamala cezeranani mbvunzo wakutewerayu:

  • Thangwe ranyi ifepano timbacita mphole kuti tireke kumbakhulupira bzentse bzomwe timbabva?

Werengani 2 Juwau 9-11, ndipo mukamala cezeranani mibvunzo ikutewerayi:

  • Kodi tin’funika kucita ciyani na apanduki?

  • Tikudziwa kuti bziri lini bwino kulewalewa na apanduki. Tsono napo bziri tenepo, n’ciyani cingaticitise kupumpsika na nzeru zawo?

  • Kodi imwepo mukukumbuka kuti Yahova angabve tani ifepano tikambatetekera bzinthu bzakuipa pakulewa bza iye ayai gulu lace?

4. Pitirizani kukhala wakukhulupirika napo penu m’bale munango wacita pikado

Tikadziwa kuti munthu m’gwere wacita pikado ikulu, kodi n’ciyani comwe ifepano tin’funika kucita? Onani bzomwe Mulungu akhadauza Ajirayeri. Werengani Levitiko 5:1.

Ninga momwe vesiri likulewera, tikadziwa kuti munthu munango wacita pikado ikulu, tin’funika kukauza akulu. Tsono mukanati kucita bzimwebzo, kungakhale kudeka mtima kuuza munthu omwe wacita pikadoyo kuyenda kwa akulu acikawafotokozera yekha bza pikado yaceyo. Penu iye aniyenda lini kukawauza, ifepano tingayende kukauza akuluwo kuti tilatize kukhulupirika kwathu kwa Yahova. Kodi kucita bzimwebzi kungalatize tani lufoyi na kukhulupirika kwa . . .

  • Yahova Mulungu?

  • munthu omwe wacita pikadoyo?

  • winango m’gwere?

Cithunzi-thunzi: M’bale akuthandiza mwanzace omwe wacita bzakuphonyeka. 1. M’bale akudabwa na bzomwe akuwona mu mtedwe mwace. 2. M’bale m’bodzi-bodziyo akuwonesa mwanzace bzomwe wawona mu mtedwe mwacemo, tsono iye akulamba kucezerana bza nkhani imweyo. 3. M’bale m’bodzi-bodziyo akulatiza akulu awiri bzomwe bziri mu mtedwe mwacemo ndipo akuceza nawo.

Penu m’bale ana bvuto, muthandizeni!

5. Khalani kutali na Babiloniya mkulu

Onani VIDIYO.

VIDIYO: Cokani mu Babiloniya Mkulu! (5:06)

Bzomwe bzikucitika mu vidiyo ya msolo wakuti ‘Cokani mu Babiloniya Mkulu!’ Nyakupfunza wa Bibliya akubwerera pomwe akucoka kagoneka ku gereja komwe iye akhaphata basa.

Werengani Luka 4:8 na Apokalipse 18:4, 5, ndipo mukamala tawirani mibvunzoyi:

  • Kodi dzina langu likalipo ku gereja yakunama yomwe ndikhambayenda?

  • Kodi ndiri mu gulu lomwe ndakubverana na gereja inango?

  • Kodi basa lomwe nimbaphata limbathandizira gereja yakunama?

  • Kodi pana bzinthu bzinango bzomwe nimbacita pa moyo wangu bzomwe nin’funika kubzisiya thangwe bzimbabverana na gereja yakunama?

  • Penu ndatawira inde pa mibvunzo inango yomwe iri padzauluyi, kodi ni bzinthu bziponi bzomwe nin’funikira kucinja?

Pa bzinthu bzentse, sankhulani bzinthu bzomwe bzin’kucitisani kukhala na mtima wakucena bzicilatizambo kukhulupirika kwanu kwa Yahova.

Mpfumakazi na mwana wace akucoka mu loja. Iwo akupita pafupi pomwe pana munthu wa gereja omwe akukumbira kobiri kuti zithandizire gereja yawo.

Kodi n’ciyani comwe mungacite mucikumbiridwa kuti mucite cakupereka cakuthandizira gereja?

WANTHU WINANGO AMBALEWA KUTI: “Nin’funika kudziwa bzomwe apanduki ambalewa pakulewa bza Mboni za Yahova kuti inepano ndikhotcerere cadidi.”

  • Kodi mukuwona kuti kucita bzimwebzi n’kwanzeru? Penu munti inde thangwe ranyi, penu munti ne thangwe ranyi?

KODI MWAPFUNZA CIYANI?

Kuti tipitirize kukhala wakukhulupirika kwa Yahova, tinʼfunika kutcenkha kubverana na wale omwe ambayezera kutipumpsa.

Mibvunzo yakubwerezera

  • Thangwe ranyi tin’funika lini kubva bzinthu bzomwe apanduki ambalewa?

  • Tikadziwa kuti mʼbale acita pikado ikulu, kodi nʼciyani comwe tinʼfunika kucita?

  • Kodi tingabvere tani mcenjezo wa kukhala kutali na gereja yakunama?

Citani ibzi

ONANI POMWE IBZI

Pfunzani momwe mungacitire, winango akambalewa bzinthu bzakunama pakulewa bza Mboni za Yahova.

“Kodi Muna Umboni Bwakukwanira?” (Ntsanza ya Mulindiri ya Agosto, 2018)

Kodi mungadziwe tani mabungwe ayai mabasa yomwe yambathandizira Babiloniya mkulu?

“Pitirizani Kucita Kufuna kwa Mulungu Pomwe Tiri Kuphampha kwa Dzikoli”(Ntsanza ya Mulindiri ya Outubro 2019, ndime 16-18)

Kodi n’ciyani comwe anyakutsutsa winango ambacita pakufuna kuwofokesa cikhulupiro cathu?

Citani Mphole Kuti Muleke Kupumpsidwa (9:32)

Kuti muwone bzomwe bzidacitisa wantsembe munango kucoka gereja ya Cinto, werengani nkhani yakuti “Ine Ndikhafuna Kudziwa Mulungu Kuyambira Ndiri Mwana.”

“Bibliya Limbacinja Moyo wa Wanthu” (Ntsanza ya Mulindiri ya 1 Julho, 2011)

    Mabukhu ya Cinyungwe (2008-2025)
    Bulani
    Pitani
    • Cinyungwe
    • Tumizani
    • Bzomwe mumbafuna
    • Copyright © 2025 Watch Tower Bible and Tract Society of Pennsylvania
    • Mitemo Yomwe Mun'funika Kuteweza
    • Mtemo Wacintsintsi
    • Privacy Settings
    • JW.ORG
    • Pitani
    Tumizani