NYIMBO 139
Bziyezezereni Kuti Muli M’paraizo
(Cibvumbulutso 21:1-5)
1. Yezezera kubziwona
Iwe na ine mu dziko lipsa.
Kumbukira bza mtendere
Omwe tin’dzakhaladi nawo!
M’lungu wathu, an’dzacosa
Wanthu wakuipa wensene.
Dziko lense lin’dzakhaladi lipsa;
Tin’dzamuimbira
mwakutenda kuti:
(KORO)
“Yahova M’lungu, ndimwe wabwino.
Bzinthu bzense bzakhaladi bzipsa.
Tinkukutendani thangwe mun’themera
Kupasidwa mbiri, ulemu na mphanvu.”
2. Kumbukira kutsogolo,
Iwe na ine mu paraizo;
Pomwe bzinthu bzakugopswa
Bzense kun’dzakhala kulibe.
Bzomwe M’lungu adalewa
Bzin’dzakhala bzakwanisika.
Omwe adafa an’dzalamusidwa;
Tensene, tin’dzamutenda
M’lungu kuti:
(KORO)
“Yahova M’lungu, ndimwe wabwino.
Bzinthu bzense bzakhaladi bzipsa.
Tinkukutendani thangwe mun’themera
Kupasidwa mbiri, ulemu na mphanvu.”
(Onanimbo Psal. 37:10, 11; Zai. 65:17; Ju. 5:28; 2 Pe. 3:13.)