MBVUNZO 6
Kodi Bibliya likhadaleweratu ciyani bza Mesiya?
POLOFESIYA
‘Iwe Beremu Efrate, . . . kwa iwepo ndiko kun’dzacokera ule omwe an’dzakhala mtongi mu Jirayeli.’
KUKWANISIKA
‘Atabadwa Jezu ku Beremu wa ku Judeya mu nsiku za mambo Herode, anyakukhulupira nyenyezi wakucokera kumabva-dzuwa wadabwera ku Jeruzalemu.’
POLOFESIYA
‘Iwo wankugawana bzakubvala bzangu pakati pawo, ndipo wankucitira maere cakubvala cangu.’
Psalymo 22:18
KUKWANISIKA
‘Tsapano pomwe wacikunda wadakhomerera Jezu pa muti, iwo wadatenga cakubvala cace ca kunja, wacicigawa m’bzipande bzinayi . . . Tsono cakubvala ca mkatico cikhalibe msono, cikhadasonedwa kucokera kudzaulu mpaka kunyansi. Ndipo iwo wadauzana kuti: ‘Cakubvalaci mbatireke kucing’amba koma mbaticiteni maere kuti tidziwe kuti cin’khala ca yani.’’
POLOFESIYA
‘Ambamukhotcerera mafupa yace yense. Palibe na libodzilo lomwe lidatcoledwa.’
Psalymo 34:20
KUKWANISIKA
‘Koma watafika kwa Jezu, iwo walibe kumutcola minyendo yace pakuti wadawona kuti iye akhadafa kale.’
POLOFESIYA
‘Iye akhaphaidwa thangwe ra bzakuphonya bzathu.’
Zaiya 53:5
KUKWANISIKA
‘M’bodzi wa acikunda wale adam’boola ku mbali ibodzi ya mimba yace na dipa, ndipo nthawe imweyo padacoka mulopa na madzi.’
POLOFESIYA
‘Iwo wadandipasa malipo ya kobiri 30 za siriva.’
KUKWANISIKA
‘Tenepo, m’bodzi wa anyakupfunza 12 wale, wakucemeredwa Juda Sikaliyoti adayenda kwa akulu wa ansembe ndipo adati: ‘Kodi mun’dzandipasa ciyani ndikam’pereka kwa imwepo?’ Iwo wadapicira kumupasa kobiri 30 za siriva.’