Bukhu la Kale-kale Koma Likuthandiza Nsiku Zino
Wanthu azinji ambalewa kuti Bibliya ni bukhu lakulemekezeka. Koma Bibliya limbafotokoza nkhani zizinji sikuti kokha za cipembedzo. Ndipo iro lina malango yomwe yangatithandize pa moyo wathu wa nsiku na nsiku.
Mwa ciratizo, onani bzomwe wanthu winango adalewa bza phindu lomwe adaligumana thangwe ra kuwerenga Bibliya na kuphatisa basa bzomwe iro limbalewa.
“Tsapano ndina moyo wabwino. Makumbukidwe yangu pabodzi na momwe ndikhabvera bzacinja kwene-kwene, ndipo ndine munthu wakugwa nfuwa na wakukondwa.”—Fiona.
“Kupfunza Bibliya, kwandithandiza kukhala na cakulinga na moyo wathandauzo.”—Gnitko.
“Moyo wangu wacinja kwene-kwene. Tsapano nimbaphata basa pang’ono, ndipo ndina nthawe izinji yakuceza na banja langu.”—Andrew.
Amwewa ni wanthu ang’ono-ng’ono basi pa wanthu azinji omwe adazindikira kuti Bibliya, lina malango mazinji yakuthandiza pa moyo wawo wa nsiku na nsiku.
Mbatiwoneni momwe Bibliya lingathandizire wanthu pa moyo wawo kukhala na . . .
Thanzi labwino
Makumbukidwe yabwino
Banja na axamwali wabwino
Kuphatisa basa kobiri
Makumbukidwe yauzimu
Nkhani zakutewerazi zinilatiza kuti Bibliya ni bukhu lakucokera kwa Mulungu, ndipo iro lingakuthandizeni pa moyo wanu wa nsiku na nsiku.