PFUNZIRO 14

Kodi Mungakhale Tani Wakukhulupirika kwa Yahova?

Khalani ku mbali ya Yahova. 1 Pedru 5:6-9

Mkristau ankulamba kupitira nkhani za bzipembedzo na nkhani za ndale

Tcenkhani miyambo iri-yense yomwe imbabverana lini na bzomwe Bibliya limbapfunzisa. Mun’dzafunikira kulimba mtima kuti mukwanise kucita bzimwebzo.

Lekani kumbapitira nkhani za ndale; wanthu wa ndale ambathandiza lini Yahova ne Umambo bwace.

Sankhulani bwino: Mutetekereni Mulungu. Mateu 7:24, 25

Mwamuna ali pa mtsonkhano mu Nyumba ya Umambo, ndipo ankupfunza Bibliya na Mboni ya Yahova

Mbatsonkhanani na wale omwe ni Mboni za Yahova; iwo an’dzakuthandizani kukhala xamwali wa Mulungu.

Pitirizani kumbapfunza bza Mulungu, mucimbacitambo nyongo yakumbabvera malamulo yace.

Mwamuna ankubzipereka kwa Yahova, acibatizidwa patsogolo pace

Cikhulupiro canu cikalimba, imwepo mun’funika kubzipereka kwa Yahova, mucibatizidwa. —Mateu 28:19.

Mutetekereni Mulungu. Mbawerengani Bibliya na kukumbira Mboni za Yahova kuti zikuthandizeni kulibvesesa. Patsogolo pace, phatisani basa bzomwe mupfunzebzo. Mukacita tenepoyo, imwepo mun’dzakhala na moyo wakusaya kumala.—Psalymo 37:29.