“Pɔɔl Bee Doo Bari Yaa Sa Ɛrɛ E’agaloo”

Sɔ̄ bɔŋanaloo a le Rom bee dā kɔ Pɔɔl gaa lu, bee lu etubobaloo pya wuga lo ba bee kiā nu alu 40 mile (64 km) kɔ ba a si wee zɔŋia ye. Bu mɛ sīdee na wa wereloo wiibu naale loo bee ɛrɛ pah nyɔɔ Pɔɔl ani? ‘Sɔ̄ a emuɛna wa, Pɔɔl bee doo Bari yaa sa ɛrɛ e’agaloo.’ (Doonu 28:15) Kere a bee lu esuāloo Pɔɔl nua nɛɛ a wee yere mɛm loo pya bɔŋanaloo a ina loo, alɛ bee sikɛ̄ ɛrɛ agɛrɛloo aābah pya wuga nyɔɔbee a bee le kɛ̄bah aa.—2 Kɔr 13:10.

Bu ilii dee ama, pya kuūdɛɛ̄loo sɛkiut kiā aa ziī bɔŋanaloo yii ziī lo eyere mɛm loo pya wuga nɛɛdam le nɛɛwa. Doodoo kɛ̄ dɛ̄dɛɛ̄ pya nɛɛ Bari le doo, a ɛrɛ nage sɔ̄ ekpo wee wa tah loo, sɔ̄ ba kpesī taāŋa, le sɔ̄ ba ɛrɛ e’ɔaloo. Sɔ̄ nɛɛ kuūdɛɛ̄loo sɛkiut le ye wa esikɛ̄ lu bui bɔŋanaloo, e na o dap doo lo eyere wa mɛm loo lokwa ‘i gbaa ɛrɛ e’agaloo’ ani?—Rom 1:11, 12.

• 

  Sudɔ bu gbaa zɔŋia lɛɛ a gae lu ekii uwe zue ue. Mɛm wee yii loo nɛɛ kuūdɛɛ̄loo sɛkiut sɔ̄ pya wuga su loo nɛ lo e ɛrɛ biī aāloo keebee kaɛ esiatam. (1 Tɛs 1:2, 3; 2:20) Kɛɛrɛbu loo sɛmdee bu nwī kere sɔ̄ bu lo enɔɔ̄. O dapge su loo nɛ lo enyɔɔnɛ ye wa le ɛɛ si tam ale aara ziī aba kuma wee seā enɔānu Baibol ni? Bu wa wee ɛɛ lo enyɔɔnɛ dɛ̄dɛɛ̄ nɛɛ si tam, gbaānage loo pya aā nɛɛ ale pya nɛɛ bɔɔ wee aa kɔ ba naa parae zue ue.

• 

  Aara wa saanɛɛ. O dapge wa nɛ kɛ̄ ba etɔɔ̄ ale nuede ni? Lo ama etɔgɛ nɛɛ kuūdɛɛ̄loo sɛkiut le ye wa kɔ o were wa loo. Kere nu o wa nɛ naa lu gbɛnɛ.—Luk 10:38-42.

• 

  Gbaɛ̄tɔ̄loo zuurabahtɔ̄ a a nɛ sa o doo. Nɛɛ kuūdɛɛ̄loo sɛkiut yerebah i nɛ kɔ i muɛ̄ pya kɛ̄ i dap nyim bu taāŋabah Jɛhova. Pio sɔ̄, a dap lu ebɛɛ̄ kɔ a nɛ i zuurabahtɔ̄ bu e’agabah. (1 Kɔr 5:1-5) Bu ye wee ɛɛ sɔ̄ i su loo i kumakɛ̄ sa dā doo.—Hib 13:17.

• 

  Tɔgɛ doo yaa. Kɔ nɛ nɛɛ kuūdɛɛ̄loo sɛkiut le ye wa kɛ̄ o ɛrɛ biī aāloo wa tam doo. O dap doo lo ama tɛ̄maloo esi wa loo ale tɛ̄maloo e’ɛm kpa wa nɛ.—Kɔl 3:15.