O Suāge Pya Elap Dogo Bari A Naa Lu Emɔma Dɛɛ̄ Ni?

Sɔ̄ o ɛp ekpe ekpedɛɛ̄ flawa, zina a le bunyɔɔ, ale maā a ɔba aabu dɛm, o wee wa muɛ̄ge nua bah tam Nɛɛ Dɛmnu ni? Pya dɛmnu a i tɛɛ̄ ɛŋɛnɛ muuna pya elap dogo Bari lo ii dap muɛ̄. (Rom 1:20) Sɔ̄ i yira kina sa ɛrɛ ekɛɛrɛ nyɔɔ pya nu i mɔma dɛɛ̄, i dap muɛ̄ ekpo Bari, ye wereloo, ye suānu, le kaāna biaɛ, gbaā nage loo kɛ̄ a para dɔɔ̄ nu bu yaaribah doo.—Yɔɔ 104:24.

E na a lu pio dɛmnu Jɛhova lo o wee muɛ̄ dɛ̄dɛɛ̄ dee ani? Kere o tɔɔ̄ bu gbɛnɛ buɛ̄, o dap muɛ̄ enuɛ̄ ale te. Ɛ’ɛp pya dɛmnu Jɛhova kaāna dap i yerebah nɛ kɔ i aa ɛrɛ gbɛnɛ ekɛɛrɛ, su i ekɛɛrɛ sere nyɔɔ pya nu a bɔloo, sa doo nage kɔ i agɛrɛbah dɛrɛ nyiɛ nyɔɔ kɔ Jɛhova gaa le kuū i dɛɛ̄ loo mmɛ deedee. (Mat 6:25-32) Lo o ɛrɛ pya miɔŋɔ, yerebah wa nɛ kɔ ba a muɛ̄ pya elap dogo Jɛhova lo lɔgɔ dɔɔ̄na nɛɛ naa dap ɛrɛ. Sɔ̄ i gaa kiisī lo etɔgɛ nia loo pya dɛmnu a i tɛɛ̄ ɛŋɛnɛ, i gaa le tɔɔ̄ waɛ loo i Nɛɛ Dɛmnu kaāna.—Yɔɔ 8:3, 4.

SI EE VIDIO A KURA DƐMNU MUUNA KA BARI—ƐƐDEE LE KEEKEE DƐƐ̄ NU, LƐƐ BUI AGARA PYA EBIP A NYƆƆNƐ AMA:

• Bu mɛ sīdee na nu a kura pigment doo kɔ i suāloo keekee dɛɛ̄ nu ani?

• E na a wee doo kɔ nu a lu keekee dɛɛ̄ sɔ̄ alu esu keekee miā ɛma ani?

• E na a nua bunyɔɔ wee sere keekee dɛɛ̄ ani?

• Amunu nu a kpedɛɛ̄ kaāna na o emɔna kɛ̄ o tɔɔ̄ ani?

• E na a nua i wee sueloo kɛ̄ ɛp pya nu a bee lu edɛm ani?