Ba Mɛɛ̄ Na M Kue A?

Bu ziī ziī zua, i wee piiga lo ekue pya nɛɛ a le i kɛ̄ zue ue kɔ ba a gbaa i loo bu Doonu Nyɛŋiabu Loo Luh Jizɔs. Ii suāloo gbɛnɛ-edo aba. I kue nage pya i suāloo. Sɔ̄ pya nɛɛ su kpa kue aābah pya ba suāloo wee doo kɔ ba a si. (yb08 11 ¶3; 14 ¶1) Ba mɛɛ̄ na o dap kue ani?

• Pya o manamana

• Pya o koo kɛ̄tam ale tɔkpa

• Pya le ɔɔ gbaa le

• Pya o wee obia sī loo, pya nama nɛɛ o wee nyɔɔnɛ nɔ Baibol le pya lo aā

Gbaāloo wo, pya kanɛɛ ekue dɛ̄dɛɛ̄ pya a naa wee sina enɔānu eree sɔ̄ loo. E lo a le nɛɛ o suāloo leere tɔɔ̄ binia loo kɛ̄ o le a? O dap gbītɛ̄ sa suā sɔ̄ Doonu Nyɛŋiabu Loo Luh Jizɔs esudɔ barasī kɛ̄ a tɔɔ̄ tɛ̄maloo ebiibah nyɔɔ ABOUT US bie i dɔ intanɛt jw.org, sa o biinage bah nyɔɔ “Memorial.” Kuma sɔ̄ o gaa kpɛ̄naloo Doonu Nyɛŋiabu Loo Luh Jizɔs bu zua ama a, kɛɛrɛbu pya nɛɛ o dap kue, sa wa ma kpa kue.