E Na O Dap Nɔ Aāloo Pya Nɛɛ Ba Ebiɛā Bu Bɔŋanaloo Sa Gaa Kiisī Leere A?

Bu ziī ziī i bɔŋanaloo, i ɛrɛ pya wuga nɛɛdam le nɛɛwa ba etaāŋabah Jɛhova bu gbɛnɛ-edo zua. I dap nɔ nu aāloo kɛ̄ ba dɛɛa nyɔɔ Jɛhova doo. I dap wa bip nu akiiloo bɔŋanaloo Jɛhova le pya taāŋa ba bee kpesī, le kɛ̄ Jɛhova wa yerebah nɛ kɔ ba a be eeba doo. I dap kue ziī aba kɔ a gbaa i loo sɔ̄ i ɛrɛ Enɔānu Butɔ sa a kɔ pio nu emɔna bu esiatam i nɛ.

Lo o ebiɛā bu bɔŋanaloo, kɔ nɛ pya aā Nɛɛ Kraist kɛ̄ Jɛhova eyerebah a nɛ doo. Jekɔb le Josɛf bee kɔ kɛ̄ Jɛhova wa yerebah nɛ doo nɛ pya wa miɔŋɔ. (Jɛn 48:21, 22; 50:24, 25) Sɔ̄ a esaa, Jɛhova bee nɛ lok pya tɛ bee tɔ kɔ ba a kɔ pya nyɛŋia tam a edoora nɛ wa miɔŋɔ. (Deut 4:9, 10; Yɔɔ 78:4-7) Bu ilii dee ama, pya tɛ le ka le pya dɔɔ̄na a le bu bɔŋanaloo dap kɔ pya nyɛŋia nu Jɛhova esua ye bɔŋanaloo daā nɛ pya aā nɛɛ.

SI EE VIDIO A KURA KIISĪ LO ETƆƆ̄ BU GBAALOO SƆ̄ ALU EKPAƐ̄ I TAM, LƐƐ BUI AGARA PYA EBIP A NYƆƆNƐ AMA:

• Bu mɛ sīdee na tɔ naatam a le Austria bee yerebah nɛ pya i wuga a le dɔɔ̄na edo sɔ̄ a bee lu ekpaɛ̄ i tam a?

• Pya wuga a le lo edo bee kiisī lo e’agɛrɛtɛ̄ wa yira doodoo wa?

• E na anua gbɛnɛ-edo pya zue ue a bee le Romania bee aa bu bɔŋanaloo Jɛhova a, e e na a bee doo kɔ ba a obia lu bu bɔŋanaloo a?

• Nu a bee sira ama yere mɛmloo oloo yira doodoo wa?