TƆƆ̄DUM DOODOO PYA NƐƐ KRAIST

Kumalookɛ̄ Sɔ̄ Pya Dɔɔ̄na A Leera

Pio sɔ̄, pya dɔɔ̄na dap i kaɛgɛ ale leera i. Lo ama dap i yere mɛm loo lo alu edoo bu kaka sīdee le tɛ̄maloo kaāna ekɛɛrɛ. (Kam 15:23; 31:10, 28) Mɛ i ɛrɛ e nwaɛ̄dɛɛ̄ lokwa a naa doo kɔ i danaloo nɛ nyɔɔ sa ɛp kɔ i ee pya dɔɔ̄na.

SI EE VIDIO A KURA TƆƆ̄ AGARA, DOOKƐ̄ JIZƆS BEE DOO—SƆ̄ ALU ELEERA A, LƐƐ BUI AGARA PYA EBIP A NYƆƆNƐ AMA:

Pio e na a dap doo kɔ alu eleera i a?
Pya wuga bee leera Sergei doodoo wa?
Bu mɛ sīdee na wa leera bee yeekɛ̄ a?
E na o nɔ aāloo kɛ̄ Sergei kumalookɛ̄ doo a?

Nu a bee lu etɔgɛ bu vidio a kura ‘Tɔɔ̄ Agara, Dookɛ̄ Jizɔs Bee Doo—Sɔ̄ Alu Eleera A,’ sɔ̄ ba ɛrɛ gbaa zɔ̄ŋia be ziī wuga sa Sergei gaa su kumalookɛ̄ aŋana ue nɛ pya wuga a ye leera bu sīdee a naa bɔloo.