Ɛp Gbanialoo O Ɛrɛ Loo Jɛhova Nua Gbɛnɛ

Pya Ekeebee Jɛhova ɛrɛ keebee dee a wa kpaānɛ. Doodoo pya Nɛɛ Kraist ba ekina wa dum sa liamaā, i piiga lo e’ɛrɛ kaāna le gbanialoo kumaloo Jɛhova Bari A Eenyɔɔ Dɛdɛɛ̄ Nu. A zuura i yaaloo tɛ̄maloo ye Nwiīnɛɛdam. (Jɔn 6:44) Sɔ̄ i ye yere kara nɛ a gbaɛ̄tɔ̄.—Yɔɔ 34:15.

Bu mɛ sīdee na i dap kpega gbanialoo i ɛrɛ kiikɛ̄ Bari le ani? Ziī nu i baɛloo na kɔ, i nwaɛdɛɛ̄ lokwa ii doo nu a bee piya dookɛ̄ pya Izrɛl bee doo. Nwī gbagbara sɔ̄ aā sɔ̄ ba bee nyɔɔnɛ Jɛhova doo yii bɔmadum sah, ba bee kwa nwī nɛɛpie gold sa taāŋabah. (A’aa 32:7, 8; 1 Kɔr 10:7, 11, 14) I dap bip i loo kɔ: ‘M wee doo dogo doodoo wa sɔ̄ alu ezū mɛ kɔ m doo nu a bee piya ni? Na dogo tɔgɛge kɔ na gbanialoo kiikɛ̄ Jɛhova le kuī mɛ loo ni?’ Toga toga wereloo i ɛrɛ loo i Tɛ a le li bunyɔɔ eyerebah kɔ i teera aaloo ɛrɛgeba nu a baaloo.—Yɔɔ 97:10.

BIRA VIDIO A KURA KPEGA GBANIALOO O ƐRƐ LOO JƐHOVA (KƆL 3:5), LƐƐ BUI AGARA PYA EBIP A NYƆƆNƐ AMA:

• E na alu emaānyiɛ a?

• E na anua i kiī lo e’ɛrɛ yɔgɔ oo le doo yɔ a?

• Amunu gbanialoo na a le yɛɛ kue wa le doo yɔ a?

• E na anua pya dɔtam le bah bu bɔŋanaloo ɛrɛge ekuūdɛɛ̄loo ebɛɛ̄ wa wa a?