Tɛ le Ka, Doo Kɔ Pya O Miɔŋɔ A Ɛrɛ Suānu

I tɔɔ̄ bu nyɔuwe a su pɔrɔ nua le sa su le nua pɔrɔ. (Ais 5:20) Lu ekiɛ̄nu kɔ pio nɛɛ doo nu Jɛhova baaloo, doodoo sɔ̄ nɛɛdam le nɛɛdam ale nɛɛwa le nɛɛwa ma loo ziī. Pya koo tɔkpa ale pya dɔɔ̄na dap zū pya i miɔŋɔ i wereloo kɔ ba a nyɔɔnɛ wa bu wa sīdee tɔɔ̄dum. Bu mɛ sīdee na o dap yerebah nɛ pya o miɔŋɔ kɔ ba a kiī pya dɔā-ɛp ama ani?

Doo kɔ pya o miɔŋɔ a suā pya daākuu Jɛhova. (Lev 18:3) Nyɔɔnɛ wa kɔnia pya yereue a le bu Baibol akiiloo maniakɛ̄ dɛɛa nyɔɔ kɛ̄ ba edaā beeloo nu doo. (Deut 6:7) Bip oloo kɔ: ‘M etɔgɛge pya na miɔŋɔ kiiloo kɛ̄ etɔgɛ wereloo bu le sīdee doo, dua bɛloo a bɔloo eyaa, le kɔ pya dɔɔ̄na aa wa daabah loo kɛ̄ a naa bɔloo ni? Pya na miɔŋɔ esuāge nu edoo lo a le ziī nɛɛ gbī etɔgɛ wa foto a siā ekotɛ̄ nɛɛ ale a kɔ wa nɛ kɔ ba a doo nu Jɛhova kɔ a bee piya ni?’ Doo kɔ ba a suā nu a dap sira sere kɛ̄ dap wa yerebah nɛ kɔ ba aa yii bu taāŋa. (Kam 27:12; Eklis 7:12) Tɛ̄maloo etɔgɛnu pya o miɔŋɔ, o tɔgɛ kɔ o wereeloo nu a si gbɛnɛ du Jɛhova enɛa a.—Yɔɔ 127:3.

SI EE VIDIO A KURA, WU TƆ A NAALE ELU EFEE—KPEGA PYA O MIƆŊƆ LƐƐ LOO “NU A BEE PIYA,” LƐƐ BUI AGARA PYA EBIP A NYƆƆNƐ AMA:

• 

  E na anua siga nɛɛ naa wee tɔgɛ pya wa miɔŋɔ nu akiiloo maniakɛ̄ a?

• 

  E na anua pya tɛ le ka ɛrɛ etɔgɛnu pya wa miɔŋɔ bu “zuurabahtɔ̄ Nɛɛ-a-i-ɛrɛ” a?—Ɛfɛs 6:4

• 

  E na bɔŋanaloo Jɛhova enɛa pya tɛ le ka lo eyerebah wa nɛ kɔ ba a tɔgɛnu pya wa miɔŋɔ kiiloo maniakɛ̄ a?—w19.05 12, ekpo

• E na anua a bɔloo kɔ dɛ̄dɛɛ̄ sɔ̄ o nyɔɔnɛ pya o miɔŋɔ kɔnia ue lɛɛ ba ekpesī taāŋa a?