Kpega O Iya Dam Le Wa

Jɛhova ɛp yii iya dam le wa nua gbɛnɛ. E a kɔ dam le wa ɛrɛ etɔɔ̄ bialoo ziī. (Mat 19:5, 6) Gbɛnɛ-edo dam le wa i dap nɔnu aāloo le yɛɛ pya nɛɛ Bari. Kerewo, lɔgɔ iya dam le wa naa mmana. Taāŋa wee aakɛ̄. Ii ɛrɛ e ɛmadɛɛ̄ kɔ sɔ̄ dam le wa aaloo ziī ale sɔ̄ ba lɛa ziī bah na ekwa taāŋa dookɛ̄ pya nɛɛ ɛmadɛɛ̄ doo a. Pya Nɛɛ Kraist ba e’iya ziī edap kpega wa iya dam le wa doodoo wa?

Naa ɛp o’oo nu ba dap doo ama.

1. Kpega o beenyiɛ tɛ̄maloo ekiī nu a le doodoo nyɔɔnɛ pya dɔɔ̄na nɛɛwa ale nɛɛdam bira bii a naa bɔloo le si ee nu a naa lee, lo a wee gbee iya dam le wa.—Mat 5:28; 2 Pit 2:14.

2. Agɛrɛtɛ̄ o gbanialoo kiikɛ̄ Bari le, sa nyimɛ o taɛ lo edoo nu a ye nia bu o iya dam le wa.—Yɔɔ 97:10.

3. Kiisī loo elu aā bu o sīdee tɔɔ̄dum, sa lu fɛgɛ loo o wa ale o dam kere bu nu a tera.—Kɔl 3:8-10, 12-14.

4. Kiisī lo etɔgɛ enwādɛɛ̄ sa kɔ ue suānu le bu.—Kɔl 4:6.

5. Su wereloo le fɛgɛ daānu a kuu o dam ale o wa.—1 Kɔr 7:3, 4; 10:24.

Sɔ̄ pya Nɛɛ Kraist yere ka loo iya dam le wa, ba nɛ ka Jɛhova, Nɛɛ a bee doo kɔ a le.

SI EE VIDIO A KURA, I ƐRƐ E “SU NYƆƆNYƆƆ EGEREBU TEĀ TEE”—GBAƐ̄TƆ̄LOO PYA LOK A BƐƐ LO TEE, LƐƐ BUI AGARA PYA EBIP A NYƆƆNƐ AMA:

• 

  Kere iya dam le wa bɔātɛ̄ leere, amunu taāŋa na a dap aakɛ̄ a?

• 

  Daakuu Baibol dap yerebah nɛ dam le wa a naa wereloo ziī kaāna doodoo wa?

• 

  Pya amunu lok na Jɛhova enɛa kiiloo iya dam le wa a?

• Lokwa pya a iya ziī kiisī leere, e na ba edoo a?