Mɛ kɛ̄ na o e’ina nyɔɔ dee a ture nɛɛ mmɛ loo liamaā a?
TƆƆ̄DUM DOODOO PYA NƐƐ KRAIST
Biaɛfii lo Etaāŋabah Jɛhova
Lo o lu Nɛɛ Kraist a lege zege ale bee o aa nɔ Baibol, o gaa nɔɔ̄ge lo eliamaā ni? E na a nua a lee kɔ o liamaā a? Kiīloo nɛ sa liamaā doo kɔ nɛɛ a ɛrɛ le gbanialoo kiikɛ̄ Jɛhova le. (Yɔɔ 91:1) A ture nage nɛɛ mmɛ loo kpɔā. (1 Pit 3:21) O dap nyim inaloo liamaā doodoo wa?
Gbītɛ̄ suā nu anua o yiga kɔ kaka ue na ama. Sɔ̄ a ɛrɛ nu oo dābeeloo, gbītɛ̄ nu nyɔɔ oloo. (Rom 12:2) Yere nukuādɛɛ̄ loo kɛ̄ a bɔloo kɔ o kwabaloo o dum, sa doo wo nyɔɔbee o gbī edoo kɔ bu Jɛhova a ɛɛ. (Kam 27:11; Ɛfɛs 4:23, 24) Yere kara bara yerebah ye aābah dɛ̄dɛɛ̄ sɔ̄. Dɛrɛ nyiɛ nyɔɔ kɔ Jɛhova eyere a mɛmloo sa a yerekpotɛ̄ tɛ̄maloo ye kaɛ edɔɔ̄. (1 Pit 5:10, 11) Dɛ̄dɛɛ̄ o epiaga edɔbiī a nɛ. Taāŋabah Jɛhova lu nu a lee eera bu dum!—Yɔɔ 16:11.
SĪ EE VIDIO A KURA, DEE A TURE NƐƐ MMƐ LOO LIAMAĀ, LƐƐ BUI AGARA PYA EBIP A NYƆƆNƐ AMA:
Amunu nu finiabah na siga nɛɛ ebea eeba lokwa ba liamaā a?
E na o doo lokwa o ɛrɛ yira a a bɛɛ̄ lo ekiīloo nɛ Jɛhovah a?
E na ezuā pio nɛɛ kɔ ba a nyim inaloo liamaā a?
Amunu leelee na pya a taāŋabah Jɛhova ɛrɛ a?
E na kiīloo nɛ le liamaā kura a?