TƆƆ̄DUM DOODOO PYA NƐƐ KRAIST
Kākāmɛnɛ Lu Nu a Tɔgɛ Wereloo Jɛhova
Kākāmɛnɛ ɛrɛ kaāna nu edoo kiiloo zuūrabahtɔ̄ le tɔgɛnu, mɛ kaānɛ deebah lenage bu. Jɛhova wee i kāmɛnɛ lokwa i dap ye taāŋabah bu sīdee a bɔloo. (Rom 12:1; Hib 12:10, 11) Siga sɔ̄ kākāmɛnɛ dap i ziloo, mɛ a ture i mmɛ loo kaāna dogo le leelee. (Kam 10:7) E na pya nɛɛ a kāmɛnɛ nɛɛ le pya alu ekāmɛnɛ eseea bu nyiɛ wa a?
Nɛɛ a kāmɛnɛ. Pya kanɛɛ, pya tɛ le ka, le pya dɔɔ̄na wee piiga lo ekāmɛnɛ nɛɛ bu fɛgɛ le wereloo dookɛ̄ Jɛhova doo. (Jer 46:28) Kere lo kākāmɛnɛ elu lo a agabah alu edoo bu wereloo le dookɛ̄ alu ebɛɛ̄ doo.—Tait 1:13.
Nɛɛ alu ekāmɛnɛ. Ɛrɛgeba kɛ̄ lo kākāmɛnɛ mɛa doo, ii le ekiī mɛ i piiga lo esu yerebu dogo aba sɔ̄. (Kam 3:11, 12) Doodoo pya a naa mmana, dɛ̄dɛɛ̄ ii gbī kākāmɛnɛ bu keekee sīdee. Dap lu ekāmɛnɛ i tɛ̄maloo nu i buū aābu Baibol ale nu i dā sɔ̄ i le enɔānu. E siga sɔ̄ pio nɛɛ gbī kākāmɛnɛ aābah pya kanɛɛ. Susu kākāmɛnɛ wee ture nɛɛ mmɛ loo dum.—Kam 10:17.
SI EE VIDIO A KURA “JƐHOVA WEE KĀMƐNƐ PYA A WERELOO,” LƐƐ BUI AGARA PYA EBIP A NYƆƆNƐ AMA:
Dum Canon bee bɔātɛ̄ doodoo wa, e bu mɛ sīdee na a bee nyaa a?
Mɛ dua kākāmɛnɛ wereloo le loo na a bee ɛrɛ aābah Jɛhova a?
Nɔ ewereloo kākāmɛnɛ a aabah Jɛhova
E na i dap nɔ aāloo nu a bee ye siraloo a?