TƆƆ̄DUM DOODOO PYA NƐƐ KRAIST

Su Suānu Ɛā Ekɛɛrɛ Kiiloo Ɔ̄ Mii A Wee Bumɛ Nɛɛ

Nu a bee lu etɔgɛ bu vidio a kura ‘Ɛrɛ Ekɛɛrɛ Lɛɛ O Gae Ɔ̄.’ Ziī yɔɔ a ɛrɛ baɛ gbɛnɛ epah daa a aabu elolo mii ziī gbara aabah loo.

Lu ebɛɛ̄ kɔ dɛ̄dɛɛ̄ pya Nɛɛ Kraist a aa wa loo kiiloo ɔ̄ mii a wee bumɛ nɛɛ. (Kam 23:20, 29-35; 1 Kɔr 6:9, 10) Lo ziī Nɛɛ Kraist biaɛfii lo e’ɔ̄ mii, a ɔ̄ bu kuūnadɛɛ̄. A ɛrɛ e’ɔbɛ bialoo ɔ̄ mii a wee bumɛ nɛɛ, lokwa a naa tɛrɛ pya dɔɔ̄na. (1 Kɔr 10:23, 24; 1 Tim 5:23) Bu kaka, naa lee kɔ alu ezū lɔgɔ nɛɛ, eetɔɔ̄ na pya zege kɔ ba a ɔ̄ mii a wee bumɛ nɛɛ.

SI EE VIDIO ALU ESU BAH TƆĀ NU BU A KURA ƐRƐ EKƐƐRƐ LƐƐ O GAE Ɔ̄, LƐƐ BUI AGARA PYA EBIP A NYƆƆNƐ AMA:

E na anua dɛ̄dɛɛ̄ pya Nɛɛ Kraist ɛrɛ egbaɛ̄tɔ̄loo lok akiiloo ɔ̄ mii a wee bumɛ nɛɛ ani?—Rom 13:1-4
E na anua ii lee lɛɛbahloo kɔ pya dɔɔ̄na a zū i kɔ i ɔ̄ mii a wee bumɛ nɛɛ a?—Rom 6:16
I doodoo wa sa ii dɔ bu piya nu a wee sira aaloo ɔ̄ mii a wee bumɛ nɛɛ?