TƆƆ̄DUM DOODOO PYA NƐƐ KRAIST
“Bui Aa Ɛrɛ Gbɛnɛ Ekɛɛrɛ”
Jɛhova bee yerebah nɛ pya Izrɛl alu kporo. Pio amunu sīdee na eyerebah nɛ pya ye zooro alu kporo anii’ee a?
A etɔgɛ wa kɛ̄ e’ɛmadɛɛ̄ kpugi bu sīdee a kuūnadɛɛ̄ doo.—Luk 12:15; 1 Tim 6:6-8
A eyerebah wa nɛ kɔ ba a yere ka loo aba aba.—Job 34:19
A etɔgɛ wa kɛ̄ e’agɛrɛba sitam doo sa kiī pya elap dogo a dap wa gbee.—Kam 14:23; 20:1; 2 Kɔr 7:1
A esua wa yerebu bɔŋanaloo pya Nɛɛ Kraist ba wereloo ɛnia aba.—Jɔn 13:35; 1 Jɔn 3:17, 18
A enɛa wa bɛābu.—Yɔɔ 9:18; Ais 65:21-23
Kaɛlɛɛ kɛ̄ i kɛ̄tɔɔ̄ aga doo, naalu ebɛɛ̄ kɔ i ɛrɛ gbɛnɛ ekɛɛrɛ. (Ais 30:15) Jɛhova ekuūdɛɛ̄loo i ebɛɛ̄ bu namloo, kuma sɔ̄ i kiisī lo egbī ye Buɛ̄-mɛnɛ nua tuatua.—Mat 6:31-33.
SI EE VIDIO A KURA WERELOO NAA WEE DƆ LƆGƆ SƆ̄ KAƐLƐƐ . . . NAƐBAH—CONGO, LƐƐ BUI AGARA PYA EBIP A NYƆƆNƐ AMA:
Pya wuga a bee tɔɔ̄ waɛloo kɛ̄ a bee lu etɔɔ̄ ɛrɛ kɔnvɛnsɔn bee tɔgɛ elap dogo aara saanɛɛ kumaloo pya a bee lu lo kɔnvɛnsɔn doodoo wa?
E na vidio ama tɔgɛ akiiloo kɛ̄ Jɛhova wereloo pya kporo doo a?
Bu mɛ sīdee na i dap nɔ Jɛhova kere ii ɛrɛ gbɛnɛkpo kpugi a?