Ɛrɛ Yira Bu Wereloo Jɛhova A Naa Wee Nyaa

Jɛhova ɛp a nua nu a si gbɛnɛ du. (Ais 43:⁠4) E doora kɔ o tɔɔ̄e ye waɛloo le ye bɔŋanaloo. O le nɛ Jɛhova nyɔɔbee o bee kiīloo a ye nɛ sa liamaā. E kuū a dɛɛ̄loo doodoo ziī keebee nu a ɛrɛ, kere sɔ̄ o le bu e’aga kɛ̄tɔɔ̄. A gaa le tɔgɛ wereloo a naa wee nyaa a kumaloo tɛ̄maloo ye bɔŋanaloo.​—⁠Yɔɔ 25:⁠10.

I dap nyimɛ i tɔgɛ nia kumaloo wereloo Jɛhova a naa wee nyaa tɛ̄maloo esikɛ̄ ɛp kɛ̄ bɔŋanaloo Jɛhova ekuūna dɛɛ̄loo pya wuga sɔ̄ bugia siranu sira bu dee ama doo.

SI EE VIDIO A KURA KPƐA A AABAH COORDINATORS KƆMITII BU ZUA 2019 LƐƐ BUI AGARA PYA EBIP A NYƆƆNƐ AMA:

• 

  Bu mɛ sīdee na Coordinators Kɔmitii eyerebah nɛ pya tɔ naatam a le tɛɛ̄ ɛnɛŋɛ nyɔuwe kɔ ba a doo nu sɔ̄ bugia siranu sira a?

• 

  Bu mɛ sīdee na bɔŋanaloo Jɛhova bee nɛ leredeebah sa yerebah nɛ pya wuga a le Indonesia le Nigeria sɔ̄ bugia siranu bee sira a?

• 

  Ena a a nia kaāna akiiloo kɛ̄ bɔŋanaloo Jɛhova aabah loo nu doo kumaloo dumɛloo COVID-19 a?