Pya Nu I Dap Nɔ Aāloo Kɛ̄ Samuɛl Bee Tɔɔ̄dum Doo

Samuɛl bee tɔɔ̄ agara nɛ Jɛhova bu yubeloo ye dum. Aā sɔ̄ a bee le nwīgbagbara nwiī, a naa bee yiga ebee piya doodoo pya miɔŋɔ Elai, lo a le Hofni le Finehas. (1 Sam 2:​22-26) Samuɛl bee kiisī lo enyim, e Jɛhova bee ye le loo. (1 Sam 3:19) E sɔ̄ a e’ana, a bee kiisī lo esitam nɛ Jɛhova bu bɔ ture nyiɛ loo, kere pya ye miɔŋɔ nɛɛdam naa bee doo wo.​—⁠1 Sam 8:​1-5.

Ena i dap nɔ aāloo edoba Samuɛl anii’ee a? Lo o le zege, suā leere kɔ Jɛhova dābeeloo pya nu finiabah o gaa tɛɛ̄ bu, le kɛ̄ nu a tɔɔ̄loo doo. A dap a yerebah nɛ kɔ o ɛrɛ e’agaloo. (Ais 41:​10, 13) Lo o lu tɛ ale ka sa o nwiī e’ɔbɛ etaāŋabah Jɛhova, susuā kɔ Samuɛl naa bee dap su bah ekpo aā pya ye miɔŋɔ ba ebee lu gbɛnɛ kɔ ba a tɔɔ̄ agara nɛ daakuu Jɛhova a gbɔ̄ a nyiɛ. Samuɛl bee lɛɛbaloo lo kɛ̄tɔɔ̄ bie bah Jɛhova, e a bee kiisī lo eyira agɛrɛ sa doo kɔ bu ye Tɛ Jɛhova a ɛɛ. Naa daba, o le edoba dap doo kɔ o nwiī a obia lu wee taāŋabah Jɛhova.

SI EE VIDIO A KURA NƆNU WA AĀLOO​—⁠SAMUƐL, LƐƐ BUI AGARA PYA EBIP A NYƆƆNƐ AMA:

• 

  Bu mɛ sīdee na Samuɛl bee tɔgɛ e’agaloo sɔ̄ a le gbagbara nwiī a?

• 

  Bu mɛ sīdee na Danny bee tɔgɛ e’agaloo a?

• 

  Bu mɛ sīdee na Samuɛl bee sere le edoba sɔ̄ e’ana a?

• 

  Tɛ le ka Danny bee sere le edoba doodoo wa?