“Su Ɛrɛ Ekpeloo Dum Mmɛ Deedee! Aŋɛnɛtɛ̄ O Yira Bu Jɛhova Le Jizɔs”

Pya i gaa nɔɛ̄ Baibol ɛrɛ e’ɛrɛ e’agatɛ̄ yira lokwa ba dap doo nu a nia Bari. (Hib 11:6) I dap wa yerebah nɛ kɔ ba a doo wo tɛ̄maloo esu kpa a kura Ɛrɛ ekpeloo dum mmɛ deedee! wa tɔŋɛ nu. Kpa esu nɔā Baibol ama aara pya dɔ kpa kaɛ a kuī gbɛnɛ, pya ue a waɛ edābeeloo, pya ebip a dana taɛ, pya vidio a zū nɛɛ, le pya ekpedɛɛ̄ foto alu etɔ̄. Sɔ̄ i yerebah nɛ pya i gaa nɔɛ̄ Baibol kɔ ba a ɛrɛ elap dogo nɛɛ Kraist le le gbanialoo kumaloo Bari, i gaa su pya nu miā naa dap taa wuā wa yira. —1 Kɔr 3:12-15.

Tɔɔ̄ loo pio nɛɛ kɔ a aga elu gbo Bari, nyɔɔbee ba naa dap ye muɛ. Nyɔɔwo alu ebɛɛ̄ kɔ i yerebah wa nɛ kɔ ba a suāloo Jɛhova sa ye dɛrɛ nyiɛ nyɔɔ.

SI EE VIDIO A KURA AGƐRƐTƐ̄ O YIRA BU JƐHOVA, TƐ̄MALOO KPA A KURA “ƐRƐ EKPELOO DUM MMƐ DEEDEE!” LƐƐ BUI AGARA PYA EBIP A NYƆƆNƐ AMA:

• I tɛɛ̄ doodoo wa suā kɔ lo wuga nɛɛwa bee kpɛ̄naloo kaāna loo lo enɔānu?

• Mɛ sīdee na a su pio ebip a bɔloo yeābah nɛ nɛɛ aa nyɔɔnɛ nɔ nu a kɔ a kɔ nu alɛ kɛɛrɛ kiiloo nu a le bu Aisaia 41:10, 13 ani?

• Amunu pah na lo vidio le pya dɔ Baibol a bee lu ebuū ɛrɛ nyɔɔ nɛɛ aa bee nɔ nu a?

Gbɛnɛ-edo nɛɛ naa suā nu waara zɔɔ a’agara lu, ale bee ba naa ɛp nua dɔɔ̄nu Bari wa nɛ. (Gal 2:20) Nyɔɔwo, i ɛrɛ eyerebah wa nɛ kɔ ba a agɛrɛtɛ̄ wa yira bu waara zɔɔ a’agara Jizɔs.

SI EE VIDIO A KURA AGƐRƐTƐ̄ O YIRA BU JIZƆS TƐ̄MALOO KPA A KURA “ƐRƐ EKPELOO DUM MMƐ DEEDEE!” LƐƐ BUI AGARA PYA EBIP A NYƆƆNƐ AMA:

• I tɛɛ̄ doodoo wa suā kɔ lo wuga nɛɛdam bee kpɛ̄naloo kaāna loo lo enɔānu?

• Bu mɛ sīdee na a su pya ue a le kɛ̄ a kura “Gbītɛ̄ Nu” yeābah nɛ nɛɛ aa nɔ nu a?

• Ena anua alu ebɛɛ̄ kɔ nɛɛ aa nɔnu a yere kara a?