Kɛ̄ Esu Edoba Kɛ̄ Ezue Ue Doo Daānu Doo

Pya wuga nɛɛdam si e’aga tam lo enɔɔ edoba kɛ̄ ezue ue doo, e gbɛnɛ-edo pya zue ue emɔna kɔ sɔ̄ alu esu daānu, edɔa biī bie wa kɛ̄ zue ue. Kerewo, kuma sɔ̄ kɛ̄tɔɔ̄ pya nɛɛ lu keekee bu yube nyɔuwe a, pya zue ue dap su keekee ekobee ue ale sīdee sere bahloo daānu sɔ̄ ba le uwe zue ue, lokwa ba dap ina bu beenyiɛ pya ba gaa zue ue nɛ. Mɛ, a lee kɔ dɛ̄dɛɛ̄ nɛɛ a nyɔɔnɛ ɛrɛgeba zuurabahtɔ̄ alu enɛ nyɔɔ kɛ̄ esere bahloo keebee zue ue doo. Nu i seeasī na lo ezue le yereue Buɛ̄-mɛnɛ dookɛ̄ Jizɔs bee i lɛɛra doo.—Mat 24:14.

Sɔ̄ pya nɛɛ a bee lu enɛ nu edoo aa aabahloo wa nu edoo bu enɔānu, ba a su ekobee ue edoba kɛ̄ ezue ue doo a le bu Kpa Enɔānu Tɔɔ̄dum le Tam Zue Ue daā. Kerewo, lo a naa lu ekɔ ba a su edoba kɛ̄ ezue ue doo daā, ba lu puɛ lo esagɛ dɔɔ̄na ebip, dɔ kpa kaɛ, ale nu ba ekɔ ue nyɔɔ dɔɔ̄na sɔ̄ lo e’ina bu beenyiɛ pya a le wa kɛ̄ zue ue. Lo ama kwabaloo leredeebah a le 8 naɛsī kpa enɔānu Ini’ī Enɔɔ̄ 2020.