Kpɛ̄naloo Anyaawo Baɛ Bugia Dumɛloo

Ena anua o kpɛ̄naloo a? Bugia dumɛloo a doo kɔ nɛɛ a ma tɔpie dap bugia sira sɔ̄ ii bee ɛmadɛɛ̄. Nyɔɔwo, lɛɛ bugia dumɛloo gae sira, kpɛ̄naloo anyaawo, lokwa a dap lu edoo a pie loo bu sīdee a bɔloo. Lo o doo wo, o tɔgɛ kɔ o nwaedɛɛ̄ dum le lok Jɛhova akiiloo miī.—Doonu 15:28, 29.

Ena o dap doo lo ekpɛ̄naloo a?

• Yere kara sa sueloo kɛ̄ ɛm nu bu kpa a kura durable power of attorney (DPA) card.a Pya zbɔŋanaloo le Identue ue eliamaā dap ɛrɛ alaba DPA card aābah nɛɛ a le bee kpa bu ity Card (ic) loo pya wa miɔŋɔ a sii tura nɛɛ

• Lo bu le a loo, kɔ nɛ pya o kanɛɛ kɔ ba a nɛ a kpa a kura Information for Expectant Mothers (S-401). Kpa ama eyerebah a nɛ kɔ o biaɛ nu fii leere sɔ̄ bu a le loo, le sɔ̄ o emana nwiī sah

• Lo o suā kɔ o ɛrɛ dumɛloo a gbī kɔ alu ebaa a loo, lo a dap doo kɔ ba a kɔ ba eyeree a miī loo, a le bee o tɔɔ̄ tɔpie, soosoo kɔ nɛ pya o nɛɛ kanɛɛ serekɛ̄, sa o doo kɔ pya a gaa sitam lo tɔpie a suā kɔ ziī yɛɛ pya Ekeebee Jɛhova elu wee inae a loo

Mɛ sīdee na pya kanɛɛ edap a yerebah nɛ a? Ba dap a yerebah nɛ tɛ̄maloo e’ɛm nu bu o DPA card. Kerewo, naale pya kanɛɛ na ebiaɛfii kɛ̄ elu eboh a doo, ale kɔ a nɛ kɛ̄ o boa loo a doo nyɔɔ pya sīdee boa loo a kuu ziī ziī nɛɛ lo ebiaɛfii a. (Rom 14:12; Gal 6:5) Sɔ̄ o ekɔa nɛ pya o kanɛɛ kɔ o gaa kpesī ziī dumɛloo a gbī yaa miī loo, ba gaa le nwaabah a kɔ ue bee nɛ pya Hospital Liaison Committee (HLC).

Mɛ sīdee na pya HLC edap a yerebah nɛ a? Elua ekpɔā pya wuga nɛɛdam a gaa sitam HLC lo eyerebah nɛ pya dɔktɔ le pya biaɛ kɔ ba a suā nu anua pya ekeebee Jɛhova naa wee yaa miī loo. Ba dap nyɔɔnɛ pya o dɔktɔ kɔnia pya sīdee elu eboh a sa a naale elu eyere a miī loo. E lo alu ebɛɛ̄, ba dap a yerebah nɛ kɔ o muɛ̄ pya dɔktɔ eboh a sa a naale elu eyere a miī loo.

SI EE VIDIO A KURA KƐ̄ EBIAƐFII NU NYƆƆ DOOA PIE LOO KIILOO MIĪ DOO, LƐƐ BUI AGARA EBIP A NYƆƆNƐ AMA:

• Ena o nɔ aābu vidio ama lo edap a yerebah nɛ kɔ o kpɛ̄naloo baɛ bugia dumɛloo a gbī yaa miī loo a?

  Your answer