Ekɔ O Waa Suge Buū Baibol Alu Edā Aba Muɛ̄ Daānu Leere Ni?

Ena buū Baibol alu edā aba muɛ̄ kura a? Buū Baibol alu edā aba muɛ̄ na New World Translation a bee lu etap bu zua 2013 alu eyere bu gāma. A wee lu elɛɛtɔ kina kina yerebu gbɛnɛ-edo muɛ̄ ue. Ziī nu a le loo buū Baibol alu edā aba muɛ̄ na kɔ keekee muɛ̄ na a buū keekee dɔ a le bu Baibol a. Alu ebuū pya ue a le bu taɛ kɛ̄ a bɔloo kɔ alu ebuū doo, le muɛ̄ a doo kɔ i dābeeloo yereue Baibol leere.

Mɛ sīdee na pio nɛɛ aa ɛrɛ biī aāloo buū Baibol alu edā aba muɛ̄ a? A nia gbɛnɛ-edo pya a wee gbaɛ̄tɔ̄loo buū Baibol alu edā aba muɛ̄ loo kɛ̄ a doo kɔ Muɛ̄ Ue Bari alu kaka kiikɛ̄ ba le doo. Ba kɔ sɔ̄ ba dāe keekee nɛɛ a buū keekee dɔ a le bu Baibol, doo kɔ a bee kɔ ba gaa mɔmaedɛɛ̄ lo siranu sa doo kɔ ba a dāebeeloo leere. (Kam 4:5) Gbɛnɛ-edo nɛɛ muɛ kɔ gbaɛ̄tɔ̄loo buū Baibol alu edā aba muɛ̄ doo kɔ loo wa a sukɛ̄ sɔ̄ ba ɛrɛ gbɛnɛ ekɛɛrɛ.—Yɔɔ 94:19.

Dādā sɔ̄ alu ebuū Muɛ̄ Ue Bari lɛɛbu dap ɛrɛ kaāna pah nyɔɔ i dum. (2 Edoo 34:19-21) Lo a le buū Baibol alu edā aba muɛ̄ le bu muɛ̄ ue o dābeeloo, o dapge nɔɔ kɔ gbaɛ̄tɔ̄loo alu nu o wee doo nua ziī gah lo enyimɛ o gbanialoo kumaloo Jɛhova ni?

SI EE VIDIO A KURA KƐ̄ ALU EKWA BUŪ BAIBOL ALU EDĀ ABA MUƐ̄ DOO—SIGALOO, LƐƐ BUI AGARA EBIP A NYƆƆNƐ AMA:

Ena a a nia a le loo kɛ̄ alu ekwa buū Baibol alu edā aba muɛ̄ doo a?