Doo Kɔ A Waɛ Edābeeloo

Nu Jizɔs Bee Doo

VIDIO: Jizɔs Baatɛ̄ Kɛ̄ I Tɛ I Kuūdɛɛ̄loo Doo

1. Si ee lo VIDIO, ale o buū Matiu 6:25-27. Lɛɛ o agara pya ebip a nyɔɔnɛ ama:

1. Bu mɛ sīdee na Jizɔs bee baatɛ̄ kɛ̄ Jɛhova i kuūdɛɛ̄loo doo a?

2. Kere Jizɔs bee suā gbɛnɛ-edo nu akiiloo enuɛ̄, amunu ewɛpbah nu na a bee baatɛ̄ kiiloo enuɛ̄ a? Ena anua sīdee ama bee lu lo a bɔloo a?

Ena I Nɔ Aāloo Jizɔs A?

2. Sɔ̄ i tɔgɛ nu bu sīdee a waɛ, pya nɛɛ wee nyɛŋiabu loo pya nu i bee wa tɔgɛ, e a wee wa tɔaloo kaāna.

Nɔ Jizɔs

3. O aa kɔ gbɛnɛkpo ue. Taā o kɔ dɛ̄dɛɛ̄ nu o suā akiiloo lo ekobee ue, sere ekɛɛrɛ nyɔɔ pya nu a le bu lo kpa. Sɔ̄ o bip ziī ebip sah, egerebu yira baɛ nɛɛ o gaa nɔɛ̄nu kɔ a agara. Lo a naa suā ye ture ale a kɔ nu alu kee loo nu Baibol tɔgɛ, bip ye pya dɔɔ̄na ebip edoo kɔ a ɛrɛ ekɛɛrɛ nyɔɔ lo ue leere. Aba sɔ̄ nɛɛ o gaa tɔgɛ nu edaābeeloo kpog-bee nu a le bu lo dɔ, kii loo lo dɔɔ̄na.

4. Su pya nu nɛɛ o gaa nyɔɔnɛ nɔ nu suā ye yeābah nɛ kɔ a dābeeloo aā nu. Bu edoba, lɛɛ o gae bɔātɛ̄ enɔānu akiiloo aakɛ̄ bu luh, o dap nyɔɔnɛ nɛɛ o gaa nɔɛ̄nu ɛrɛ ekɛɛrɛ nyɔɔ nu ebee suā akiiloo kɛ̄tɔɔ̄ pya e’ua.

5. Su edoba daānu leere. Lɛɛ o gae su edoba daānu, bip aba ɔɔ kɔ:

1. ‘Ekɔ edoba ama waɛge edābeeloo ni?’

2. ‘Ewaɛgebah nɛɛ m gaa nyɔɔnɛ nɔ nu kɔ a dābeeloo ni?’

3. ‘Eyeregebah nɛ nɛɛ m gaa nyɔɔnɛ nɔ nu kɔ a dābeeloo kpog-bee nu a le bu lo enɔānu, e a naale aba lo edoba ni?’