OBỌRẸ 9

Ọkiọgo i Paradais Ọnọ Rhe?

Okpetu buebun re ha uvuẹn otọre akpọ na idje phia taghene uvie Osolobrugwẹ ọ sa phẹrẹkpẹ. Luk 21:10, 11; 2 Timoti 3:1-5

Ekwakwa ra homaphia uvuẹn ẹdẹ ri koba na—ibikoro efi, uvweri, emiamo, ọkaronmẹ emaren, emọ ri vwa huvwele eri vwiẹrẹ aye kugbe ozighi

Baibol ọ tẹ ẹmro kpahẹn ekwakwa buebun rẹ aphia ẹdẹ eri nyenana. Ọ tare taghene ihworho ine vwẹ ẹguọlọ igho, emọ ina gbanhon urhomu harẹn eri vwiẹ raye, omẹdjan jojojo, kugbẹ ẹguọlọ akpọ ẹriọ.

Otọre ekpogho ọgbogbanhọn, ivweri, emaren ina kanren, emiamo ine buon. Enana aphia ekete ọke ọhavwọna.

Oseri Jehova ro ghwoghwo iyẹnrẹn esiri na harẹn ọhworhare owu

Habaye, Jesu ọ tare taghene, iyẹnrẹn esiri uvie na ene ghwoghwie lelẹ akpọ na ephian.—Matiu 24:14.

Uvie Osolobrugwẹ ono tiẹ ọkon ephian nie. 2 Pita 3:13

Evwọkon re hwuẹ uvuẹn uvweri Armageddon, kugbe Echu ọrhẹ ikpodje yi re donron rhẹ ukpotọ

Phẹrẹkpẹ, Jehova ọ sa mọ ghwọghẹ evwọkon na ephian.

Na sa mọ hẹ oja riẹ Echu rhẹ ikpodje yi.

Jesu o siyẹ aga usuon ọnẹyen obẹ odjuwu ọrhẹ aruo ihworho sansan ra ghọghọ

Ihworho re kerhọ Osolobrugwẹ ine vwẹ usimi ruẹ akpọ ọkpokpọ. Orho vwẹ ofẹ-ẹn, ono rhiẹ akpọ ihworho ena hẹrosuẹ ereva aye kugbẹ ene vwẹ ẹguọlọ owuowọnwan.