Irhomu-ẹmro Re Ha Ọbe Na

Ive ego ye wu ve rẹn i Jehova ne? Owu, eva gbinẹ aye i vrẹn omaran? Wu rorori taghene wa nyamwu ive na te ekete omẹgbanhuọn o teri? Nẹ ive omebrurhame yanghene ive orọnmo vwo? Urhomu-ẹmro ọnana ọ karorhọ ọwan kpahen omamọ udje ri Jephthah ọrhẹ Hannah i dje rẹn ọwan, ra mẹriẹn taghene ọwan a damoma ra na nyamwu ive rẹ ọwan i ve rẹn i Jehova.

Ọgbọ buebun ọwan e roro kpahen oborẹ i Jehova ọnọ yẹ ọwan uvuẹn i Paradais, ọrẹn, uvuẹn urhomu-ẹmro ọnana, ọwan ine yono kpahen oborẹ Uvie na ono ti nie. Me yi Jehova ono ti nie, nẹ ọwan i sabu nyerẹn akpọ rọ vuọnren rhẹ omamerhomẹ ọrhẹ ufuoma? Ọwan i rhe roro kpahen ẹkpahenrhọ rẹn enọ enana, ọnọ sa ọwan erhumu bọn esegburhomẹmro ọwan gbanhon jeghwai yẹ ọwan omẹgbanhon re ne vwo edirin.

Ọwan i rhe vwo imwẹro taghene e sehiẹn ọwan, ọrana ọ sabu fi esegburhomẹmro, omeriotọre ọrhẹ atamwu ọwan rhẹ erhirhiẹ ọdamuni. Irhomu-ẹmro enana i ta kpahen ikuegbe i Baibol esa ri na sa ọwan erhumu ha ukẹro i Jehova o ni orhienbro ọsoso e nie.

Jehova ohworho rọ gbare; ọrẹn oma ọ merhiẹn ọrhọ mẹrẹn taghene ọwan a hobọtua usuon ọnẹyen. Judges urhomu-ẹmro 4 ọrhẹ ọrẹ 5, o dje oborẹ oma ọ merhen i Jehova te, orhianẹ ọwan a nyalele ekpọvi ọnẹyen ri fiotọre ogege.