Orhianẹ Ọmọvwerhe yọ Kpahenrhọ wẹn Uvuẹn Anurẹsẹ

Orhianẹ ọmọvwerhe yọ kpahenrhọ wẹn uvuẹn anurẹsẹ, o fori nẹ ọwan i nekpẹn eri vwiẹriẹ. Ọnana o dje ọghọ phia rẹn ọrovwoghwa na. (Pr 6:20) Orhianẹ ọmọ na ọ ta wẹn ne wu ruo ghwa, wu vwe kwe-e. Orhianẹ eri vwiẹriẹ a ha oghwa-a, o fori na ghwẹrioma rhe ọke ọrọrọ.

Orhianẹ ọmọ na ọghwanren ne ibiesuọn, yanghene ọ ha uvwre ẹgbukpe ikperesa ye te ikpegbirhirin, o ji fo na nekpẹn eri vwiẹriẹ. Orhianẹ aye a ha oghwa-a, ọwan ina sabu nọ sẹ eri vwiẹriẹ a ha uphẹn riẹn nọ djẹ ọbe ro no se. Orhianẹ aye ru omaran, ọwan ina sabu yẹ ye ọbe yanghene kpọ ẹhẹn yen riẹ jw.org.

Ọke rẹ ọwan a rharhumu bru uphuphẹn ro dje omamerhomẹ phia, o fori na nekpẹn eri vwiẹriẹ. Ọnana ọnọ yẹ ọwan uphẹn re ne dje oborẹ ọ kpare ọwan rhe jeghwai dje urhebro ra hẹrosua ri ha uvuẹn i Baibol na rẹn ekrun na. (Ps 119:86, 138) Rẹ ọwan e dje ọghọ phia jeghwai roro rẹn ọsẹ ọrhẹ izu na, ono rhiẹ omamọ oseri jeghwai ha uphẹn erọrọ rẹn ọwan re ne ghwoghwo iyẹnrẹn esiri na rẹn ekrun na.—1Pe 2:12.