Ha Ẹbe ra Bọn Kpahen i Baibol na Ruiruo rhẹ Ẹghwanren

Jesu ọrhọ ta: “A yẹ are ọrẹ ọphẹ, are i tiobọnu ọrẹ ọphẹ.” (Mt 10:⁠8) Ọwan a nyalele ọkpọvi ọrana nyoma ra vwa rhẹ i Baibol ọrhẹ ẹbe ukoko na. (2Co 2:17) Ọrẹn, ẹbe enana i vwo urhomẹmro eghoghanren ri nẹ obẹ Osolobrugwẹ rhe. Omẹdamu ọgbogbanhon ọrhẹ igho ọye fomu ẹbe enana jeghwai kpare aye riẹ ukoko sansan re ha akpọ na. Omarana, o fori na ha uchiunu rẹ ọwan i guọlọre.

Ha ẹghwanren ruiruo ọke re tiobọnu ọbe harẹn ohworho, tobọ te ọke re ruẹ aghwoghwo afiede. (Mt 7:⁠6) Ukperẹ ana ghwai ha ọbe ọwan ren kohworho kohworho rọ nyavrẹn, damoma ne wu lele aye tẹmro sẹ aye vwo omamerhomẹ kpahiẹn. Wu na sabu kpahenrhọ onọ owuorowu ri ha uvuẹn ekpeti na? Orhianẹ wu mẹrẹnvwrurhe taghene ohworho na o vwo dje omamerhomẹ phia-a, ono rhomu wu nyaji itrati vwo riẹn. Itiọrurhomẹmro, ohworho ọrhọ nekpẹn imagazini yanghene ọbe ọrọrọ, ọwan ina sabu yẹ ohworho na.​—⁠Pr 3:​27, 28.