Ha Userhumu Rẹn Ekrun Ọnọ nẹ Aye i Karorhọ i Jehova

Jehova ọ yẹ i Jeremiah owian rọ nọ ha erhetio rẹn itu i Jew kpahen oghwọghọ ro bru aye sa, fọkime Jehova ro rhiẹ Osolobrugwẹ aye, ọ sẹrerẹ aye ẹro. (Jer 13:25) Marhẹ agbamwa na i ru se rhẹ erhirhiẹ imwofẹn ọnana? Ekrun emọ Israel, i sẹrerhumuji ogame rẹ aye a harẹn i Jehova. Omarana, ọkpọvi Jehova ọ haphia uvuẹn Deuteronomy 6:5-7, irhomu ekrun arha nyalelie-e.

Ekrun ri dabu gbanhon uvuẹn ukoko na, e toroba emevigbanhon ukoko na inyenana. Irhomu ekrun ina sabu ha userhumu rẹn ekrun aye nẹ aye i karorhọ i Jehova, nyoma aye e ruẹ Ogame Ekrun ro mwidjẹn ọke ephian. (Ps 22:27) Erhe ni ividio na “Ẹmro Enana . .  I Vi Daji Ọmudu Are”—Re Rhonmie Ekrun, hin, gba kpahenrhọ enọ enana:

• Marhẹ ekrun ezẹko i ru sabu fi ebẹnbẹn ra gboghwẹrhẹ ogame ekrun aye kparobọ?

• Erere ezẹko ego ya mẹrẹn erhe ruẹ Ogame Ekrun ro mwidjẹn ọke ephian?

• Arha tẹmro kpahen ogame ekrun, ebẹnbẹn ego yi mi vwori, marhẹ mi ne ru sabu fi aye kparobọ?