Oborẹ Ene Ru Rhiẹ Ohworho Rọ Dabu Fiomarhẹ Uyono i Baibol Na

Wu guọlọ vwo esegburhomẹmro ọgbogbanhon udabọ ebẹnbẹn jerẹ Daniel? Daniel ọ dabu fiomarhẹ uyono Ẹmro Osolobrugwẹ, ọrhẹ aruẹmẹrẹn okokodo. (Da 9:2) Wa rha dabu fiomarhẹ uyono i Baibol na, ọnọ ha userhumu wẹn sẹrorẹ esegburhomẹmro ọnọ. Izede ọgo? Ọnọ yọ imwẹro ọgbogbanhon taghene ive i Jehova ine rugba. (Jos 23:14) Ọnọ jeghwai lẹrhẹ ẹguọlọ wu vwo kpahen Osolobrugwẹ gbanhonrhọ, ro no mwuo ruẹ oborẹ ọgbare. (Ps 97:10) Ọrẹn, marhẹ wu ne ru tonrhọ? Roro kpahen irorẹdje enana.

• Me yi mi ne yono kpahen? Omamọ ẹkwaphiẹrhotọre uyono o ji sekpahen ọrẹ e mwuegbe uyono ukoko. Wu na mẹrẹn erere nẹ isese i Baibol re ruẹ kọkprughwre kọkprughwre, wu rhe fi ọke rhotọre guọlọ irhuẹmro erọrọ wu vwa dabu vwẹruọ ye. Habaye, ihworho ezeko i djẹ odjẹ aye ine yono kpahen aruẹmẹrẹn i Baibol rhọ, eghọn sansan kpahen emamọ ẹhẹn ọfuanfon na, owian aghwoghwo ọrẹ ọnyikọ Paul, tobọ te ekwakwa i Jehova ọ maren. Orhianẹ wu roro kpahen onọ ro nẹ i Baibo na rhe, ya ye rhotọre ne wu yono kpahiẹn uvuẹn ẹdẹ we ruẹ uyono omobọ.

• Bọgo mi ne ru mẹrẹn iyẹnrẹn erọrọ? Ni ividio na Ekwakwa Re Na Ha Userhumu Rẹn Ọwan Mẹrẹn Efe Erẹ Ẹhẹn, ne wu sabu mẹrẹn irorẹdjẹ ezẹko. Ne wu sabu damu irherhe ọnọ, guọlọ oborẹ omẹgbanhon usuon akpọ ephian owuowu ra ha dje eranmo ra djoma ri uvuẹn i Daniel urhomu-ẹmro 7 i mevirhọ.

• Emwa ọke yo fori ni mi ha yono i Baibol na? Uyono omobọ re ruẹ ọke ephian ọ lẹrhẹ ọwan gbanhan uvuẹn ogame i Jehova. Wu na sabu tonrhọ rhẹ uyono rọ nọ ha ibiọke, orho ru, wu na sabu ruie nẹ uyono na o jiri. Re yono Ẹmro Osolobrugwẹ, ọ họhọ ọke ra tọn guọlọ efe eghoghanren ri tiomanu; arha mẹrẹn buẹn, no mwu ọwan guọlọ rhọ! (Pr 2:3-6) Oruru wu ne yono kpahen Ẹmro Osolobrugwẹ ọnọ gbanhonrhọ, uyono i Baibol ọke ephian nẹ ono rhiẹ ẹkwaphiẹrhotọre ọnọ ọke ephian.—1Pe 2:2.

ME YẸ ERANMO RA DJOMA RI HA UVUẸN DANIEL URHOMU-ẸMRO 7 I MEVIRHỌ?

• 

  Da 7:4

• 

  Da 7:5

• 

  Da 7:6

• 

  Da 7:7

ONỌ ỌRỌRỌ:

Marhẹ Daniel 7:8, 24 o rugba lele?

UYONO MI NE RU ỌKE ỌRỌRỌ:

Me yẹ eranmo ra djoma ri ha uvuẹn Revelation urhomu-ẹmro 13 i mevirhọ?