Wu na Sabu Dje Esegburhomẹmro Ọnọ Fiotọre?

Ohworho ọrhọ nọ oborẹ ọsoriẹ we vwo imwẹro taghene Osolobrugwẹ yọ ma ekwakwa ephian, me wu na ta? Ne wu sabu kpahenrhọ rhẹ imwẹro, wu ne ruẹ ekwakwa eva: Ọrukaro wu ne vi dje rẹn oma ọnọ taghene a ma ekwakwa ephian. (Ro 12:1, 2) Ọreva, wu ne vi roro kpahen oborẹ wu ne ru dje imwẹro ọnọ rẹn awọrọ.—Pr 15:28.

NI IVIDIO NA IDỌKITỌ RO SIMI EMIAMO ISUASO O DJE KPAHEN ESEGBURHOMẸMRO ỌNẸYEN ỌRHẸ OHWORHO RO YONO KPAHEN ERANMO O DJE KPAHEN ESEGBURHOMẸMRO ỌNẸYEN, NE WU VWẸRUỌ OBORẸ ỌSORIẸ AWỌRỌ E VWO IMWẸRO KPAHEN EMAMA, ORHO RU GBA KPAHENRHỌ ENỌ ENANA:

• 

  Mesoriẹ Irène Hof Laurenceau o vwo imwẹro taghene a ma ekwakwa ephian ukperẹ ono rhiẹ uyono ekwakwa ri varhe?

• 

  Mesoriẹ Yaroslav Dovhanych o vwo imwẹro taghene a ma ekwakwa ephian ukperẹ ono rhiẹ uyono ekwakwa ri varhe?

• Marhẹ wu ne ru dje rẹn awọrọ kpahen imwẹro wu vwori taghene a ma ekwakwa ephian?

• Ekwakwa ego usuẹn oborẹ e fomu phia uvuẹn edjadjẹ ọnọ, yọ nọ ha userhumu wẹn ọrhẹ awọrọ rhe taghene Osolobrugwẹ yọ ma ekwakwa ephian?