IJORO 152
Oghwa Ẹga i Jehova
(1 Kings 8:27; 1 Chronicles 29:14)
1. Ọmemama rode Jehova,
To djuwu ta kpọ wu maren,
Enani vi djọ duọ haran me.
Dede na wu vi do vran ye.
Oghwẹgọ nọ ya mi vi havwọ
Baba biko vẹnran mi ghwẹ.
Amie mọ wu he rhumu ha riẹn;
Erhumu ro tito dọ nọ.
(IBRIJI)
Wẹwẹ yi vi vwa me
Ji te kọn ra mi vwori.
Gbe mia miọ sose kwakwe
Nana wu haran me.
(IKORỌSU)
Ọna vi jio ghwẹ gi Jehova;
Biko ja me na ji rha suiẹ.
Oghwọ nọ wu vi ji ha ran me
Nọ yọ vo nọ ya mia mẹrẹn.
2. I Jehova we vi fe jiro
Jo ghwa na vi jiro dọ phia
Ja me rha vi hu jiri ha wẹn,
Na mi rhe je beghe rua kpọ.
Ami sai ye ghwoghwie rin tuakpọ.
Jo roruọ nọ no bra me rhe,
No rho mwa me rha vi wian ha wẹn
Lelu dji Jesuo dje ran me.
(IBRIJI)
Vi ji rhe ruie ran me
Na mi sai hu jiri wẹn.
Na mi rhe vi ji ruọ vo—
Na kpọ no vi me rhe.
(IKORỌSU)
Ọna vi jio ghwẹ gi Jehova;
Biko ja me na ji rha suiẹ.
Oghwọ nọ wu vi ji ha ran me
Nọ yọ vo nọ ya mia mẹrẹn.