Dje Ọdamẹ Phia Rẹn Awọrọ

Oborẹ i Jesu o Ruru

IVIDIO: Jesu Ọrhẹ Ọmase rọ ha Ekete Edje na

1. Ni IVIDIO na, yanghene se John 4:​6-9. Orho ru, gbe roro kpahen enọ enana:

1. Me yi Jesu o niso kpahen ọmase na, bọmọke ọ ki tuẹn ikuegbe rhọ?

2. Jesu nọ tare: “Yẹ mẹ ame ni mi da.” Mesoriẹ izede ọnana ri Jesu ọ ha tuẹn ikuegbe na rhọ, o mwidjẹn omamọ?

Me ya na Sabu Yono Mie i Jesu?

2. Ikuegbe ọwan ọnọ merhoma omamọ, arha tonrhọ rhẹ irhomu-ẹmro ri rhiẹ ọdamẹ rẹn ihworho.

Hẹrokele i Jesu

3. Fiomarhọ erhirhiẹ awọrọ. O fo ne wu ha i kemru kemru wu mwuegbe rhotọre ne, tuẹn ikuegbe rhọ-ọ. Tonrhọ rhẹ oborẹ awọrọ e roro kpahan, ọke wa mẹrẹn aye. Nọ oma:

1. ‘Iyẹnrẹn ọgo yẹ oghwa iyẹnrẹn a ta kpahan vwana?’

2. ‘Me yẹ ihworho re rhirhiẹ kẹre mẹ, eri ha ekete iruo mẹ, ọrhẹ otu isukuru mẹ a ta kpahan?’

4. Vwo oniso. Nọ oma:

1. ‘Me yẹ ohworho na o ruẹ? Me yọ nọ sabu rhe roro kpahan?’

2. ‘Me yẹ ewun ro kurhọ, omẹhaphia ye, yanghene ekwakwa ri ha oghwa ye, o djephia kpahen oborẹ o vwo imwẹro kpahen, yanghene ekete ro nurhe?’

3. ‘Ọnana ọke ro serhọ mi ne lele ohworho na tẹmro?’

5. Kerhọ.

1. Wu vwa tẹmro bun pha-an.

2. Ha urhebro rẹn ohworho na nọ ta oborẹ ọ ha uvuẹn ẹhẹn yen. Nọ enọ uvuẹn ọke ro serhọ.