Vwo Ohinmi

Oborẹ i Jesu o Ruru

IVIDIO: Jesu o Ghwoghwo Rẹn Zacchaeus

1. Ni IVIDIO na, yanghene se Luke 19:​1-7. Orho ru, gbe roro kpahen enọ enana:

1. Me yọ nọ sabu rha lẹrhẹ ihworho ezẹko kẹnoma rẹn Zacchaeus?

2. Udabọ ọrana, me yo mwu i Jesu ghwoghwo iyẹnrẹn esiri na riẹn?

Me ya na Sabu Yono Mie i Jesu?

2. Ọwan i guọlọ uduohinmi na ki sabu ghwoghwo iyẹnrẹn esiri Uvie na rẹn aruẹ ihworho ephian.

Hẹrokele i Jesu

3. Hẹroso i Jehova. Ẹhẹn ọfuanfon Osolobrugwẹ yọ yẹ i Jesu omẹgbanhon ro ghwoghwo, ọnọ ji sabu yọ omẹgbanhon. (Matt. 10:​19, 20; Luke 4:18) Rẹ i Jehova nọ yọ uduohinmi ne wu sabu ghwoghwo rẹn ihworho wa zofẹn aye.—Acts 4:29.

4. Wu vwe brorhiẹn kpe ohworho, orhianẹ wa ji tẹmro riẹ-ẹn. Ana sabu rhe ruẹ sikẹnsikẹn re ne lele ihworho ezẹko tẹmro fọkiẹ omẹhaphia aye, ẹrhẹ aye i havwọ, aruẹ akpọ aye e nyerẹn, yanghene oborẹ aye i vwo imwẹro kpahen. Ọrẹn karorhọ:

1. Jehova ọrhẹ Jesu i rhe oborẹ ọ ha uvuẹn ọmudu ihworho; ọrẹn, ọwan e rhe yi-i.

2. Jehova ọnọ sabu gbe arodọmẹ rẹn aruẹ ihworho ephian.

5. Vwo ohinmi, ne wu ji ha ona ọrhẹ ẹghwanren ruiruo. (Matt. 10:16) Kẹnoma rẹn ẹfro. Fiobarhọ ẹmro na, orhianẹ ohworho na ọ djofẹn mwuo, yanghene ọ guọlọ kerhọ iyẹnrẹn esiri na-a.—Prov. 17:14.