Oborẹ Ihworho ri Rhiẹ Omẹvwa na Ine Rhe Kpahen

ERA HẸROTE ESIYẸ Era hẹrote esiyẹ na ina ha userhumu wẹn. Biko nyalele ọkpọvi aye, sekpahen ekete imoto ono gbo rhọ, ekete wu na nya ruẹ esiyẹ na jeghwai ruẹ otafe, aga wu ne siyẹ, ọrhẹ ẹmro erọrọ.

OMEBRURHAME Orhianẹ a rionbọrhọ ekete ọrọrọ-ọ, aga re ha obaro na, a nyajẹ aye vwo harẹn ihworho ri ne bromarhame. Eri ne bromarhame, i siyẹ avwaye bọmọke ẹmro omebrurhame na ọnọ ki tonrhọ urhiọke i Satọde. Aye ephian i ha itọwẹli kugbe ewun ro serhọ lele oma rhe.

ITETORO A ghwọghọ omamọ igho na sabu ru ẹkwaphiẹrhotọre esiyẹ na, ikpekporo, ividio, ọrhẹ ekwakwa erọrọ ri na lẹrhẹ ọwan riamerhen omẹvwa na, jeghwai ti ọwan kẹrẹ i Jehova. Itetoro are ro nẹ ẹhẹn rhe, ọnọ ha userhumu phia na sabu hẹrote edamẹ igho enana, jeghwai hobọtua owian akpọ ephian. Nọ phẹrẹ ha wẹn, wu na mẹrẹn ekpeti itetoro ra djokarhọ ri ha uvuẹn ekete sansan uvuẹn aghwẹlẹ omẹvwa na. Wu na ji sabu toro uvuẹn itanẹti nyoma i donate.jw.org. Ame ine vwo ọdaremẹro kpahen itetoro ephian. Ugboma Usuon na ọ kpẹmẹ are fọkime are a hobọtua edamẹ Uvie na ghwologhwolo.

OMESIMO ỌRUKARO Biko djokarhọ ye taghene ọnana fọkiẹ ihworho re emru ọ phia harẹn aye kpregede ọvo.

EKWAKWA RI VRURU RA MẸRẸNREN Ekwakwa ri vruru ephian, a haye riẹ obẹ Lost and Found. Emru ọnọ orho vru, gbe riẹ oboran ya guọliẹ. Emọ ri beghe vru nyajẹ eri vwiẹrẹ aye vwo, a kpare aye riẹ ekete ọnana. Ọrẹn, no jo rhiẹ ohwan rẹn ihworho erọrọ, biko hẹrote emọ.

ESIYẸ Biko roro harẹn awọrọ. Karorhọ taghene wu na sabu sẹrorẹ ega harẹn ihworho ekrun ọnọ, ihworho rẹ owẹwẹ rhẹ aye i gba nya usun rhe, yanghene ihworho we lele yono i Baibol na. Biko wu vwe fi emru rhẹ oberun ega wu vwa sẹroriẹ harẹn ihworho-o.

OWIAN OMẸHAKPAHONTỌRE Wu rha guọlọ ha userhumu phia uvuẹn ẹkwaphiẹrhotọre omẹvwa na, biko gbe riẹ Information and Volunteer Service Department.