Kẹnoma Rẹn Ifi Enana Ọke Rẹ We Ruẹ Uyono i Baibol

Ra Tẹmro Ibuebun: We roro taghene ekwakwa ephian ye wu ne dje fiotọre-e. Jesu ọ ha enọ sa ihworho erhumu nẹ aye sabu roro jeghwai brorhiẹn ro fori. (Mt 17:24-27) Enọ a lẹrhẹ uyono na ruẹ ghwologhwolo, nọ jeghwai lẹrhuọ rhe oborẹ ọrẹ wa ha i Baibol yono na o vwẹruọ ye ọrhẹ oborẹ o vwo imwẹro kpahen. (be 253 ¶3-4) Wa rha nọ enọ, vwo erhionrin ne wu jeghwai hẹrhẹ ẹkpahenrhọ na. Orhianẹ ẹkpahenrhọ ọrẹ wa ha i Baibol na yono orho serhọ-ọ, ukperẹ wu na ha ẹkpahenrhọ na phia riẹn, ha enọ erọrọ kpọ ẹhẹn yen vi nọ sabu ha ẹkpahenrhọ ro serhọ phia. (be 238 ¶1-2) Tẹmro izede rọ nọ ha uphẹn rẹn ọrẹ we yono na no vwẹruọ oborẹ o yono.—be 230 ¶4.

Re Ruẹ Uyono Na Gbanhan: Kẹnoma rẹn ọdamuni wu na ta ọsoso oborẹ wu rheri kpahen urhomu-ẹmro na. (Joh 16:12) Tẹnrovi ihwẹmro ri ha uvuẹn udjoghwẹ na. (be 226 ¶4-5) Ẹmro ẹ ta buebun, tobọ te era merhen oma, ena sabu ti ihwẹmro na nu. (be 235 ¶3) Ogege ọrẹ wa ha i Baibol na yono orho vwẹruọ ihwẹmro na ne, gbe riẹ udjoghwẹ ọrẹ ọ ha kpahiẹn.

Re Yono Buẹn Phan: Omwemẹ ọwan ọrẹ ana ha ẹmro na te ọmudu ihworho, rhẹ ọrẹ uyono o buebu-un. (Lu 24:32) Dabu ha omẹgbanhon Ẹmro Osolobrugwẹ ruiruo nyoma wu na tẹnrovi ekete kirighwo ri nẹ i Baibol na rhe uvuẹn uyono na. (2Co 10:4; Heb 4:12; be 144 ¶1-3) Ha idje elolọhọ ruiruo. (be 245 ¶2-4) Roro kpahen ebẹnbẹn erẹ wa ha i Baibol na yono ọrhẹ oborẹ aye i vwo imwẹro kpahen, ne wu bọn uyono na kpahiẹn. Nọ enọ jerẹ enana: “Marhẹ wu rorori kpahen oborẹ we yono na?” “Me yẹ ọnana o yonirin ọwan kpahen i Jehova?” “Erere ọgo wu mẹrẹnren ọke wa ha aruẹ urhebro ọrana ruiruo?”—be 238 ¶3-5; 259 ¶1.