E Rhe Ruẹ Ena Ọwan Uvuẹn Owian Aghwoghwo Na Rhomẹrhọ—Jirie Harẹn Eri Vwo Omamerhomẹ Kpahen Urhomẹmro na nẹ Aye Rhiẹ Iyono Ukoko

MESORIẸ ỌGHANREN: Iyono a ha uphẹn rẹn ọwan ra na “so ijoro rẹn i Jehova” jeghwai “ha ujiri riẹn.” (Ps 149:1) Uvuẹn iyono na, ọwan e yono oborẹ ana sabu ru ọhọre Osolobrugwẹ. (Ps 143:10) Eri vwo omamerhomẹ kpahen urhomẹmro na ọrhẹ era ha i Baibol yono, e ruẹ riaro rhọ ọke rẹ aye a rhiẹ iyono.

OBORẸ ENE RUIE LELE:

• Ha use phia ogege. O fo ne wu hẹrhẹ ọke wu na ha uyono i Babiol mwu vwẹre-e.—Re 22:17

• 

  Djephia rẹn ọrẹ wa ha i Baibol yono na oborẹ ọnọ mẹrẹn uvuẹn uyono na ọrhẹ oborẹ ana ta kpahen uvuẹn uyono ọrẹ ọ sa na. Ọbe use uyono ukoko, ividio na Me ọye Ruẹ Uvuẹn Aghwẹlẹ Uvie?, ọrhẹ Uyono 5 kugbe 7 uvuẹn Ibroshọ na Ọhọre i Jehova, ena sabu ha userhumu phia

• 

  Ha userhumu phia. Ọrẹ o dje omamerhomẹ phia na ọ guọlọ ohworho rọ nọ kpariẹ riẹ uyono yanghene ọ guọlọ userhumu sekpahen omamọ ewun rọ nọ jẹ rhọ? Siyẹ kẹriẹ uvuẹn uyono na, ne wu jeghwai lelie ghalẹ ọbe. Dje yi harẹn awọrọ