Oborẹ Ene Ru Ha Ẹkpahenrhọ ri Serhọ Phia

Ẹkpahenrhọ ri serhọ a bọn ukoko na gbanhan. (Ro 14:19) Aye a ji rhua erere vwe eri ha ẹkpahenrhọ na phia. (Pr 15:23, 28) Omarana, o fori nẹ ọwan i damoma kpahenrhọ onọ uvuẹn uyono, ọrhọ tobọ rhiẹ ọgbọ owu dede. Itiọrurhomẹmro, orhiẹ ọke ephian ra rionbọ ye se ọwa-an. Omarana, o fori ne mwuegbe rhẹ ẹkpanhenrhọ sansan.

Ẹkpahenrhọ ro serhọ. . .

• ọ lọhọ, o fiotọre, jeghwai kpeke. Uvuẹn erhirhiẹ buebun, a sabu ha ye phia ibrẹro ọgban yan riotọre

• orhomẹ wu rha ta ye ọrẹ ẹmro ọnọ

• orhiẹ ọrẹ ana vwanriẹn oborẹ a kpahenrhọ ne bi-i

Orhianẹ wẹwẹ ye kiki se, . . .

• ha ẹkpahenrhọ rọ lọhọre, rọ jeghwai kpahenrhọ onọ ra nọre na phia

Orhianẹ a kpahenrhọ onọ na ne, wu na sabu . . .

• dje ekete i Baibol ro sekpahen uhwẹmro ra ta kpahan na

• hunute oborẹ ẹmro na o sekpahen akpenyerẹn ọwan lele

• dje fiotọre oborẹ ene ru sabu ha iyẹnrẹn na ruiruo

• hunute oborerhiẹromẹrẹn kpeke ro dje uhwẹmro na phia